Konseho Maneho di Grandinan ta hasi entrega ofisial di e “Adviesrapport Wet- en Regelgeving Ouderenzorg” na Minister Pietersz- Janga

Willemstad – Resientemente e Konseho di Maneho di Grandinan durante un enkuentro ameno a hasi entrega ofisial di e dokumento “Adviesrapport Wet- en Regelgeving Ouderenzorg” na Minister Pietersz- Janga. Tumando na kuenta e sifranan di embehesimentu di nos poblashon, e desaroyo rápido di e kantidat di hendenan grandi i teniendo kuenta tambe ku e oumentu di kasnan di kuido pa hendenan grandi i tambe e susesonan ku ta tumando lugá den algun di e institútonan, e organisashon a sinti su mes yamá pa aportá ku e dokumentu aki.

Ku e dokumentu aki Konseho Maneho pa Grandinan ke pone énfasis riba aspektonan di lei komo un sostén pa mehorá e kuido den nos institutonan i alabes pa sostené e trabounan positivo ku Minister Pietersz- Janga ta desplegá komo Minister di Salubridat, Medio Ambiente i Naturalesa. E organisashon ta bisa di ta spera ku huntu ku señora Minister, nan por sigui ampliá riba e dokumentu aki. Riba potrèt por mira momentu ku e reunion a tuma lugá i momentu ku señor Rob de Lannoy (presidente) i señor Francis Faulborn (vise presidente) di Konseho Maneho di Grandinan ta hasi entrega ofisial di e dokumento na Minister Pietersz- Janga.