Gabinete Wever-Croes 𝘔𝘪𝘯𝘪𝘴𝘵𝘦𝘳 𝘋𝘢𝘯𝘨𝘶𝘪 𝘖𝘥𝘶𝘣𝘦𝘳 𝗘 𝗦𝗜𝗠𝗔𝗡 𝗧𝗥𝗔𝗦 𝗗𝗜 𝗟𝗢𝗠𝗕𝗔 𝗧𝗔𝗕𝗔𝗧𝗔 𝗨𝗡𝗢 𝗛𝗢𝗣𝗜 𝗣𝗥𝗢𝗗𝗨𝗖𝗧𝗜𝗩𝗢 𝗣𝗔 𝗠𝗜𝗡𝗜𝗦𝗧𝗘𝗥𝗜𝗢 𝗗𝗜 𝗧𝗨𝗥𝗜𝗦𝗠𝗢 𝗬 𝗦𝗔𝗟𝗨𝗗 𝗣𝗨𝗕𝗟𝗜𝗖𝗢

ORANJESTAD – Manera ta custumber tur comienso di siman Minister di Turismo y Salud Publico sr. Dangui Oduber ta repasa locual a sosode e siman anterior den su ministerio. Den e siman tras di lomba Minister Oduber a haya invitacion un recorido riba un di e barco crucero di Carnival Cruise Lines. Tambe e mandatario a duna un discurso na e ceremonia di inauguracion di e oficina di “kwaliteitszorg Instituut’. Diahuebs e mandatario a reuni cu College Aruba financieel toezicht (CAft) caminda a ser conoci cu e voorzitter nobo sra. Ongering.
𝗖𝗮𝗿𝗻𝗶𝘃𝗮𝗹 𝗖𝗿𝘂𝗶𝘀𝗲 𝗟𝗶𝗻𝗲𝘀
Diamars riba invitacion di e ehecutivonan di e linea crusero cu a bin Aruba specialmente pa duna e delegacion di Aruba un bista con nan ta maneha nan desperdicio abordo. Manera ta conoci Minister Oduber ta hiba un maneho dirigi riba un turismo sostenibel y duradero pero semper teniendo na cuenta cu nos medio ambiente. Esaki sigur ta algo cu tur e lineanan cruceronan ta na altura di dje. Pa es motibo nan a demostra e delegacion di Aruba con nan maneho di desperdicio ta funciona.
𝗜𝗻𝗮𝘂𝗴𝘂𝗿𝗮𝗰𝗶𝗼𝗻 𝗱𝗶 𝗢𝗳𝗶𝗰𝗶𝗻𝗮 𝗱𝗶 𝗞𝘄𝗮𝗹𝗶𝘁𝗲𝗶𝘁𝘀𝘇𝗼𝗿𝗴 𝗜𝗻𝘀𝘁𝗶𝘁𝘂𝘂𝘁
E meta di e instituto aki ta pa mehora e calidad di cuido na Aruba, pero tambe pa ofrece mas eficiencia y resultado pa tur ciudadano. E instituto aki ta un instituto na prome lugar, di control di calidad di cuido, pero tambe cu e meta pa mehora coordinacion, comunicacion y acuerdonan pa locual ta trata cuido medico. Ta importante pa enfatisa cu e esaki lo wordo hasi den cooperacion cu tur e paisnan den Reino, pa asina por tin igualdad y nivel di calidad den e sector di salubridad simultaneamente pa tur pais den Reino Hulandes. Minister Oduber a indica cu e instituto aki mester bira un organo idependiente di Departamento di Salud Publico y cu esaki nos ta un stap mas pa logra esaki.
𝗖𝗔𝗳𝘁
Durante e reunion fructifero aki, Caft a keda impresiona di e plannan cu Ministerio tin pa mitiga y hasi e fondonan di AZV uno sostenibel pa futuro. Temanan cu Minister Oduber a amplia ariba dje tawata e desaroyo positivo pa cu Aruba su economia cual tin un efecto positivo ariba e fondonan di AZV. Tambe a papia over di reenforsa e eerstelijnszorg, intensifica e cooperacion entre HOH y ImSan y e diferente plannan di accion formula den nos roadmap den cuadro di Landspakket.