KOMUNIKADO DI PRENSA 070/2023.
16 febrüari 2023.

Entrada hudisial ku tres detenshon i konfiskashon.

Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ

Djaweps 16 di febrüari 2023, alrededor di 09.40’or di mainta personal di Divishon di Krímen
Organisá a tene un entrada hudisial na un kas den área di Medemapark relashoná ku
violashon di lei di droga i arma di kandela.

Durante di e entrada hudisial a haña i konfiská:
 Plantashon di mariwana
 Kokaina
 Hash
 Atributonan pa prosesá droga
 Kashi di bala
 Un arma di kandela kaliber 38
 Un pistool

Na e sitio polis a detené dos hòmber sospechoso;
 J.L.J., nasé na Kòrsou di 37 aña di edat.
 B.A.J., nasé na Kòrsou di 42 aña di edat, tur dos nasé na Kòrsou.
 I e dama, I.A.V.J., nasé na Kòrsou di 63 aña di edat, tur tres relashoná ku violashon
di lei di droga i di arma di kandela.

A presentá e sospechosonan dilanti un fiskal ouksiliar ku despues di interogashon a
ordená nan enkarselamentu pendiente di mas investigashon.