๐˜”๐˜ช๐˜ฏ๐˜ช๐˜ด๐˜ต๐˜ฆ๐˜ณ ๐˜Ÿ๐˜ช๐˜ฐ๐˜ฎ๐˜ข๐˜ณ๐˜ข ๐˜”๐˜ข๐˜ฅ๐˜ถ๐˜ณ๐˜ฐ ๐˜ต๐˜ข ๐˜ช๐˜ฏ๐˜ง๐˜ฐ๐˜ณ๐˜ฎ๐˜ข: ๐—ง๐—”๐—ฌ๐—˜๐—ฅ ๐—™๐—ข๐—ก๐——๐—ข๐—ก๐—”๐—ก ๐—›๐—จ๐—Ÿ๐—”๐—ก๐——๐—˜๐—ฆ ๐——๐—œ๐—ฆ๐—ฃ๐—ข๐—ก๐—œ๐—•๐—˜๐—Ÿ ๐—ฃ๐—” โ€˜๐—›๐—˜๐—ฅ๐——๐—˜๐—ก๐—ž๐—œ๐—ก๐—š๐—ฆ๐—๐—”๐—”๐—ฅ ๐—ฆ๐—Ÿ๐—”๐—ฉ๐—˜๐—ฅ๐—ก๐—œ๐—๐—ฉ๐—˜๐—ฅ๐—Ÿ๐—˜๐——๐—˜๐—กโ€™.

En conexion cu e conmemoracion di 160 aรฑa di abolicion di sclavitud den Reino Hulandes, Gobierno Hulandes a aloca 2 miyon euro na dos fondonan Hulandes: Mondriaan Fonds y Fonds voor Cultuurparticipatie. E fondonan disponibel ta destina pa proyectonan of iniciativanan cu lo trata riba conscientisacion tocante e historia, abolicion y efectonan di sclavitud den Reino Hulandes. Minister Xiomara ta informa cu Aruba tambe ta bin na remarca pa haci peticion di e fondonan aki. Pa e motibo aki, den un colaboracion entre Ministerio di Cultura hunto cu e grupo di trabou Comision Conscientisacion Sclavitud di Aruba, Biblioteca Nacional Aruba, Mondriaan Fonds y Fonds voor Cultuurparticipatie lo organisa un tayer informativo y interactivo tocante e fondonan disponibel durante e aรฑa di conmemoracion โ€˜herdenkingsjaar slavernijverledenโ€™. Durante e tayer lo splica mas amplio di con e areglo di e fondonan ta hinca den otro, puntonan di consideracion ora di haci peticion, miho practicanan โ€˜best practicesโ€™, y otro consehonan practico โ€˜tips & tricksโ€™.
Minister di Cultura ta invita tur esnan cu tin un idea of proyecto en conexion cu conscientisacion di sclavitud na Aruba pa participa y ricibi mas informacion na e Tayer Fondonan Hulandes Disponibel Pa โ€˜Herdenkingsjaar Slavernijverleden.โ€™ E sesion lo wordo brinda door di e conseheronan cultural sra. Gyonne Goedhoop, sra. Dyonna Benett y sra. Tibisay Sankatsing Nava. Esaki lo tuma luga riba diabierna, 24 di februari 2023, di 9โ€™or di mainta pa 1โ€™or di merdia na Biblioteca Nacional di Aruba den sala Diamante. E tayer lo wordo duna na papiamento y ingles. Entrada ta gratis. Pa participa mester registra prome cu 22 februari riba Eventbrite โ€˜Tayer Fondo Slavernijverledenโ€™.

 

Share this page to Telegram

This site uses Akismet to reduce spam. Learn how your comment data is processed.

%d bloggers like this: