𝗧π—₯𝗔𝗕𝗒𝗨𝗑𝗔𝗑 π——π—œ π—₯π—˜π—‘π—’π—•π—”π—–π—œπ—’π—‘ 𝗑𝗔 𝗦𝗧 π—”π—Ÿπ—’π—¬π—¦π—œπ—¨π—¦ π—¦π—›π—’π—’π—Ÿ 𝗧𝗔 𝗔𝗩𝗔𝗑𝗦𝗔𝗑𝗗𝗒 𝗬 π—Ÿπ—’ π—§π—˜π—₯π— π—œπ—‘π—” 𝗣π—₯π—’π— π—˜ 𝗖𝗨 π—™π—œπ—‘ π——π—œ 𝗔𝗑̃𝗔 π—˜π—¦π—–π—’π—Ÿπ—”π—₯

Prome Minister Evelyn Wever-Croes:
Pronto Aruba lo tin un scol completamente renoba den curason di noord
𝗧π—₯𝗔𝗕𝗒𝗨𝗑𝗔𝗑 π——π—œ π—₯π—˜π—‘π—’π—•π—”π—–π—œπ—’π—‘ 𝗑𝗔 𝗦𝗧 π—”π—Ÿπ—’π—¬π—¦π—œπ—¨π—¦ π—¦π—›π—’π—’π—Ÿ 𝗧𝗔 𝗔𝗩𝗔𝗑𝗦𝗔𝗑𝗗𝗒 𝗬 π—Ÿπ—’ π—§π—˜π—₯π— π—œπ—‘π—” 𝗣π—₯π—’π— π—˜ 𝗖𝗨 π—™π—œπ—‘ π——π—œ 𝗔𝗑̃𝗔 π—˜π—¦π—–π—’π—Ÿπ—”π—₯
ORANJESTAD – Diamars mainta, Prome Minister Evelyn Wever-Croes, Minister di EnseΓ±ansa Endy Croes y Parlamentarionan Shailiny Tromp-Lee, Darlaine Guedez-Erasmus, Marcos Berlis y Ricky Hoek a bishita St Aloysius School pa asina por wak e avance di e trabounan haci pa cu e proyecto di renobacion di e scol.
Prome Minister a expresa di ta hopi contento di wak cu e trabounan ta avansando y cu lo termina esakinan prome cu fin di aΓ±a escolar, pa asina nos alumnonan y maestronan por regresa na nan scol. Tambe e ta contento di mira cu durante e renobacion a mantene e estilo di e edificionan cu ta pas cu e ambiente eybanda.
Prome Minister a splica cu na momento cu e alumnonan y maestronan a sali for di e edificio di St Aloysius School, no tabata tin un plan concreto di kico lo bay haci pa por trece nan bek, Pero danki na e vision di Minister Endy Croes pa cu enseΓ±ansa, a anuncia den un tempo hopi cortico, e plan di renobacion pa cu e scol. Minister Endy Croes a bira Minister di EnseΓ±ansa na final di 2021 y pa Mei 2022 ya caba a anuncia e proyecto di renobacion di St Aloysius School. Hunto cu SKOA y e architecto di SKOA, ta trahando duro pa finalisa e proyecto aki lo mas pronto posibel.
Otro scol cu a conoce un renobacion completo ta Imelda Kleuterschool. Apesar cu e tempo ey tabata tin un discusion cu e ex-Minister di EnseΓ±ansa, Gabinete Wever-Croes a dicidi pa drecha e scol y trece bek den su gloria manera e tabata.
Prome Minister tambe a indica di ta sumamente satisfecho di mira tambe e interes di Parlamento pa cu e proyecto aki, ya cu educacion ta primordial, y nan como Parlamentario ta esunnan cu ta aproba e proyectonan aki den e presupuesto. P’esey ta importante pa nan por wak con e trabounan ta avansando.
“E cabesante y maestronan di St Aloysius School tin hopi tempo den un edificio hopi chikito na unda no tin disponibilidad di tur facilidad. P’esey pa nos ta un orguyo di por duna nan bek un scol completamente renoba cu tur facilidad disponibel den curason di Noord”, Prome Minister Evelyn Wever-Croes a termina bisando.
Share this page to Telegram

This site uses Akismet to reduce spam. Learn how your comment data is processed.

%d bloggers like this: