9 DETENCION DURANTE PARADA DI LUZ SAN NICOLAS !

Oranjestad Aruba
Diahuebs anochi pa 8:03pm SMAC conhuntamente cu Cuerpo Policial a haci inicio na e parada di luz na San Nicolas.

Tabata tin 6 grupo y mas o menos 5000 participante.
Cuerpo Policial a conta cu 180 personal riba pia. Diferente departamento di Cuerpo Policial a traha hunto entre otro Polis Uniforma, ME, AE, Motor Unit, K-9 , Mobiel Commando, Departamento di Recherche, personal administrativo , planologie y tambe personal di CEA.

Pa 00:50am e cabez di parada a yega Joe Laveist Sportpark y pa 2:06 madruga, e parada a yega su final.

Cuerpo Policial a haci un total di 9 detencion, mientras cu aña 2020 tabata tin 31 detencion.

Cuerpo Policial ta hopi satisfecho cu e resultado y comportacion di comunidad. Nos por mira cu mensahe di concientisacion ta yegando orea di nos pueblo.