Prome Minister Evelyn Wever-Croes: ๐—š๐—ผ๐—ฏ๐—ถ๐—ฒ๐—ฟ๐—ป๐—ผ ๐—ฑ๐—ถ ๐—”๐—ฟ๐˜‚๐—ฏ๐—ฎ ๐—ฎ ๐—ฐ๐˜‚๐—บ๐—ถ๐—ป๐˜€๐—ฎ ๐—ฑ๐—ถ๐—ฎ๐—น๐—ผ๐—ด๐—ผ ๐—ฐ๐˜‚ ๐˜€๐—ฒ๐—ฐ๐—ฟ๐—ฒ๐˜๐—ฎ๐—ฟ๐—ถ๐—ผ ๐—ฑ๐—ถ ๐—˜๐˜€๐˜๐—ฎ๐—ฑ๐—ผ ๐—ฅ๐—œ๐—•๐—” ๐—ง๐—ข๐—ฃ๐—œ๐—–๐—ข๐—ก๐—”๐—ก ๐——๐—œ ๐—ฅ๐—˜๐—™๐—œ๐—ก๐—”๐—ก๐—–๐—œ๐—”๐— ๐—˜๐—ก๐—ง๐—ข ๐—ฌ ๐—ฅ๐—˜๐—ฃ๐—”๐—š๐—ข ๐——๐—œ ๐—˜ ๐——๐—˜๐—•๐—˜ ๐—ฌ ๐—–๐—ข๐—›๐—ข

Gobierno di Aruba a cuminsa cu e dialogo cu Secretario di Estado Alexandra van Huffelen riba e tema di refinanciamento y repago di e debe cu Aruba tin cu Hulanda. Manera ya conoci, durante pandemia Hulanda a fia Aruba 915 miyon florin cu a permiti Aruba di por sigui draai su gobernacion, cubri gastonan y pa atende cu e crisis grandi di corona, e aspectonan medico di dje pero tambe pa yuda e companianan cu tabata luchando na e momento ey door cu e economia a wordo afecta, pa asina mantene e trahadonan riba payroll y pa nan no cera. Tambe e placa aki a yuda cu FASE pa esnan cu a perde nan trabou.
โ€œE fiansa aki ta uno grandi y nos ta gradici di a logra hayโ€™e durante e pandemia y awor mirando cu e debe ta vence na october 2023, mester reuni y papia over di e repago. Prome cu e reunionnan a cuminsa nos a cuminsa papia riba e posibilidad di repago, e termino, e interes y e temporada etc. Na luna di maart lo bin un delegacion pa sigui cu e conversacionnan aki. Mi tin tur confiansa cu nos ta bay keda cla cu e tema aki prontoโ€, Prome Minister Evelyn Wever-Croes a duna di conoce.
Un otro tema cu tambe a wordo trata cu Van Huffelen ta e tema di COHO. Na januari ultimo durante e reunionnan entre e paisnan di Reino na Sint Maarten a yega na un acuerdo cu ta kita e COHO for di mesa y na su luga ta bin e โ€˜onderlinge regelingโ€™ di cual tabata falta algun detaye cu mester a wordo finalisa. Prome Minister a indica cu e trabounan aki tambe ta kedando cla pa otro luna firma esaki.
โ€œCombersacionnan ta bayendo bon. Naturalmente tin mas tema pa discuti. Importante ta pa compronde otro bon pa e aรฑa aki ta uno exitoso pa Aruba. Den union y cu hopi positivismo nos lo logra tur loke nos propone na bienestar y prosperidad di nos puebloโ€, Prome Minister Evelyn Wever-Croes a expresa.


Share this page to Telegram

This site uses Akismet to reduce spam. Learn how your comment data is processed.

%d bloggers like this: