(VIDEO) “Makaku ta hunga ku su yu te ora e saka su wowo” Siklista ta kita pa buraku den Granaatappelweg i kai kibra wesu (su wesu di weya funchi) i mester a wordu transporta ku ambulanse.

“Makaku ta hunga ku su yu te ora e saka su wowo” Siklista ta kita pa buraku den Granaatappelweg i kai wesu i mester a wordu transporta ku ambulanse.
Na varios okashon ta hala atenshon di mandatarionan di e situashon ku tin pa años kaba den Granaatappelweg. E kaminda ta asina deprorabel i habitante nan a premira ku aksidentenan lo bai tuma luga den e hanchi ariba menshon. Tambe a mustra diferente video kaminda den temporada di awa seru kon e kaminda tin asina tantu awa aden ku e vehikulonan ku ta pasa riba e kaminda ta muha tur hende ku ta kana kantu di kaminda. Awor a toka turno na un siklista ku ta bai kita pa un buraku i kai den un otro i leshon su kurpa severamente, den sentido ku e ta kai i kibra su weya funchi ku ta un wesu banda di su garganta. Ku ambulanse e a wordu pa cmc pa mas tratamentu. Hopi lo bisa ku e siklista no mester a pasa den e kaya malu ei, e siklista por kore den kua kaya ku e ke kore ta nos Gobiernu mester (Obliga) pa nos kayanan ta adekua pa tur tipo di trafiko.