KADISHA MARTINA, KAPITAN DI NOS SELEKSHON FEMENINO A BIAHA PA HULANDA PA PARTISIPÁ NA UN ‘TRY OUT’ NA FEYENOORD!

Djabièrnè anochi 3 di mart e kapitan di e selekshon femenino di Kòrsou, Kadisha Martina a biaha pa Hulanda pa un ‘try out’ ku e ekipo Feyenoord na Rotterdam kaminda e lo keda di 3 pa 17 mart 2023. E ‘try out’ aki a wòrdu fasilitá pa FFK i direktor tékniko Dean Gorré ku su kontaktonan na Hulanda. Un danki tambe na e partner di FFK, Tui, ku a fasilitá e buelo di Kadisha.

Kadisha a wòrdu skohe pa e ‘try out’ aki abase di su prestashon durante e diferente partidonan ku el a partisipá na dje. E ‘scoutnan’ a mira un potensial den dje i den futuro e lo por forma parti di e divishon di honor femenino di Feyenoord.

Kadisha ta un di e proménan ku a partisipá na e ‘try out’ nan aki pero sigur lo no ta e último mirando ku FFK ta trahando duru pa krea i fasilitá e kaminda pa tur hungadó ku talento por haña e guia i oportunidat pa partisipá na un ‘try out’. Mas ku klaro e disiplina i invershon di kada hungadó den nan mes tambe ta hunga un ròl grandi pa wòrdu skohe pa e ‘try out’ nan aki. Trabou duru semper ta paga!

FFK ta deseá Kadisha Martina hopi éksito i tur kos bon!