Kon ta pará ku e lei pa atendé ku servisio di kompanianan di internet?

Willemstad — Promé di augustus 2021 *Partido Inovashon Nashonal (PIN)* a saka un komunikado
pa pidi Gobièrnu i Parlamentu pa kaba di atendé ku e lei ku tin ku krea e outoridat nesesario pa
Gobièrnu por sigurá ku kompanianan di telekomunikashon ta duna Pueblo e servisio ku e ta paga p’e.
E tempu ei, algun Parlamentario i tambe Minister di VVRP a reakshoná positivamente i komo
konsekuensia di e petishon di PIN, tabatin un reunion den parlamento riba e tópiko. Minister Cooper
a bisa ku e lei a bai pa revisishon pa por públika esaki.
Pero, nos di Partido Inovashon Nashonal a nota ku e asuntu a bai den un ” _doofpot_ ” i pueblo ta
siguí sufrí na man di e kompanianan di telekomunikashon. Ta hopi keho tin diariamente.
* Internet ta swak
* kabel di internet ku telefòn, ku ta kai of ta kologá abou, i hasta pega kandela.
* yamadanan ta kai afó.
Nos di Partido Inovashon Nashonal ke a sa di minister Cooper kon ta pará ku e lei aki.
I den kaso ku e no ta kla, kiko mas falta pa kaba ku e lei i públika esaki pa por aktuá na fabor di
pueblo.
Nos di Partido Inovashon Nashonal na nòmber di pueblo di Kòrsou, ta spera di por haña un reakshon
mas lihé posibel di Minister Cooper. I asina pueblo di Kòrsou por haña un alivio pa ku mal servisio di
telekomunikashon.