Prome Minister Evelyn Wever-Croes: ๐——๐—ฒ๐˜€๐—ฝ๐˜‚๐—ฒ๐˜€ ๐—ฑ๐—ถ ๐—ต๐—ผ๐—ฝ๐—ถ ๐—ฑ๐—ถ๐—ฎ๐—น๐—ผ๐—ด๐—ผ ๐—ป๐—ฎ ๐—บ๐—ฒ๐˜€๐—ฎ, ๐—ฃ๐—ข๐—ฅ๐—™๐—œ๐—ก ๐—” ๐—ฌ๐—˜๐—š๐—” ๐—ก๐—” ๐—จ๐—ก ๐—”๐—–๐—จ๐—˜๐—ฅ๐——๐—ข ๐—–๐—จ ๐—Ÿ๐—ข ๐—•๐—˜๐—ก๐—˜๐—™๐—œ๐—–๐—œ๐—” ๐—˜ ๐— ๐—จ๐—ก๐——๐—ข ๐——๐—œ ๐——๐—˜๐—ฃ๐—ข๐—ฅ๐—ง๐—˜ ๐—ก๐—” ๐—”๐—ฅ๐—จ๐—•๐—”

โ€œMi ta gradici Minister Endy Croes, Minister Dangui Oduber y tur e team cu a negocia pa awe nos tin un resultado positivo aki riba mesaโ€
ORANJESTAD – Prome Minister Evelyn Wever-Croes a expresa di ta sumamente orguyoso cu despues di hopi dialogo na mesa, porfin a yega na un acuerdo cu lo beneficia e mundo di deporte na Aruba. Prome Minister a splica cu e no tabata un proceso facil sino uno cu a consisti di hopi aรฑa di dialogo y negociacion, pero sinta na mesa cu pasenshi y positivismo a logra na Februari 2023, firma un contract nobo den beneficio di nos deportistanan. A termina e contrato desventahoso y asina LOTTO ta bira bek pa deporte na Aruba. Y tambe a logra rebaha e โ€œManagement Feeโ€ di CBN di 23.5% pa 8.25%.
Prome Minister ta gradici Minister Endy Croes, den nomber di Gobierno di Aruba y di henter e pueblo di Aruba, pa su vision y curason cu e tin pa deporte, y e forma cu su persona a atende e negociacion pa por yega na un acuerdo nobo. Tambe Prome Minister ta gradici Minister Dangui Oduber cu ta esun cu a cuminsa cu e lucha aki, no a logra finalise pero sigur a duna tur di su parti tambe. Tambe un gradicimento ta bay na e team cu a negocia pa awe nos tin e resultado positivo aki riba mesa.
Prome Minister a expresa cu Aruba lo bay mira un epoca nobo habri pa deporte, na unda cu lo tin mas fondo disponibel pa tur e muchanan y e hobennan cu kier practica deporte. Pa un tempo ainda, Gobierno lo mester sigui haci apelacionnan riba comunidad pero pronto lo bay tin cambio, y lo mira e fondonan wodo inverti pa asina crea mas oportunidad y posibilidad sano di distraccion pa e muchanan y hobennan.
“Como Prome Minister di Aruba, mi ta hopi orguyoso cu e momento aki a yega. Ohala esaki sirbi tambe como inspiracion pa cada un di nos. Reto nos lo encontra semper y esaki sigur tabata uno hopi grandi pero nos a mustra cu dialogando, cu pasenshi y respet pa otro bo ta logra cosnan grandi pa bo paisโ€, Prome Minister a enfatisa.
Prome Minister a dirigi palabranan di elogio na Minister Endy Croes bisando, “Penado no ta pena pa largo, bโ€™a pone bo curason den esaki y bโ€™a logra. Masha pabien y danki pa tur e trabou. Pabien Aruba y e mundo deportivo di Aruba cu e logro grandi akiโ€.


Share this page to Telegram

This site uses Akismet to reduce spam. Learn how your comment data is processed.

%d bloggers like this: