Prome Minister Evelyn Wever-Croes: ๐—ก๐—ฎ ๐—ฒ ๐—ฑ๐—ฒ๐—ฏ๐—ฎ๐˜๐—ฒ ๐—ด๐—ฒ๐—ป๐—ฒ๐—ฟ๐—ฎ๐—น ๐—–๐—ฆ๐—ช ๐Ÿฒ๐Ÿณ, ๐—–๐—ผ๐—บ๐—บ๐—ถ๐˜€๐˜€๐—ถ๐—ผ๐—ป ๐—ผ๐—ป ๐—ฆ๐˜๐—ฎ๐˜๐˜‚๐˜€ ๐—ผ๐—ณ ๐—ช๐—ผ๐—บ๐—ฒ๐—ป ๐—ป๐—ฎ ๐—ก๐—ฎ๐—ฐ๐—ถ๐—ผ๐—ป๐—ป๐—ฎ๐—ป ๐—จ๐—ป๐—ถ, ๐—จ๐—ก ๐—•๐—œ๐—”๐—›๐—” ๐— ๐—”๐—ฆ ๐—ฃ๐—ฅ๐—ข๐— ๐—˜ ๐— ๐—œ๐—ก๐—œ๐—ฆ๐—ง๐—˜๐—ฅ ๐—ง๐—” ๐—Ÿ๐—œ๐——๐—˜๐—ฅ๐—” ๐—˜ ๐——๐—˜๐—Ÿ๐—˜๐—š๐—”๐—–๐—œ๐—ข๐—ก ๐——๐—œ ๐—ฅ๐—˜๐—œ๐—ก๐—ข ๐—›๐—จ๐—Ÿ๐—”๐—ก๐——๐—˜๐—ฆ

ORANJESTAD– Prome Minister Evelyn Wever-Croes ta na Nacionnan Uni, New York pa un bishita di trabou en conexion cu e debate general CSW 67, Commission on Status of Women.
Un biaha mas, Prome Minister ta lidera e delegacion di Reino Hulandes.
E tema di e aรฑa aki ta โ€œInnovation and technological change, and education in the digital age for achieving gender equality and the empowerment of all women and girlsโ€. Prome Minister lo elabora riba e posicion di hende muhe na Aruba y den Reino, y lo comparti e vision, plannan y iniciativanan di Aruba. Tambe, durante su bishita, Prome Minister lo purba haya fondo y mas proyecto pa fortifica e posicion di hende muhe na Aruba, Corsou, Sint Maarten y Hulanda.
Prome Minister en conexion cu e tema di e aรฑa aki, a expresa: โ€œAruba ta luchando cu e mesun retonan cu paisnan grandi y ta hunto nos por sali afo. Den e tempo moderno aki tecnologia ta permiti hende muhe tin aceso na tur informacion, pa e hende muhe por desaroya su mes. Pero tin un parti negativo di tecnologia. Nos no mester permiti tecnologia wordo uza pa perhudica e hende muhe, pa ofende ni menasa hende muhenan. E ta tuma un esfuerso conhunto di nos tur pa bringa esaki!
Tecnologia ta e caminda pa futuro y ta e area cu hende muhenan casi no ta representa. Awor ta e momento pa nos enfoca y crea mas oportunidad pa hende muhenan den e area aki, y sostene participacion di hende muhe den e area di tecnologia. Sino, nos lo perde tur e avansenan cu hende muhenan prome cu nos a logra. Hunto nos por logra esakiโ€.


Share this page to Telegram

This site uses Akismet to reduce spam. Learn how your comment data is processed.

%d bloggers like this: