Prome Minister Evelyn Wever-Croes ๐—ฃ๐—” ๐—š๐—ข๐—•๐—œ๐—˜๐—ฅ๐—ก๐—ข ๐——๐—œ ๐—”๐—ฅ๐—จ๐—•๐—” ๐——๐—˜๐—ฃ๐—ข๐—ฅ๐—ง๐—˜ ๐—ง๐—” ๐—จ๐—ก ๐—ฃ๐—ฅ๐—œ๐—ข๐—ฅ๐—œ๐——๐—”๐—— ๐—–๐—ผ๐—บ๐—ฝ๐—น๐—ฒ๐—ต๐—ผ ๐——๐—ฒ๐—ฝ๐—ผ๐—ฟ๐˜๐—ถ๐˜ƒ๐—ผ ๐—š๐˜‚๐—ถ๐—น๐—น๐—ฒ๐—ฟ๐—บ๐—ผ ๐—ฃ๐—ฟ๐—ผ๐˜€๐—ฝ๐—ฒ๐—ฟ๐—ผ ๐—ง๐—ฟ๐—ถ๐—ป๐—ถ๐—ฑ๐—ฎ๐—ฑ (๐—–๐——๐—š๐—ฃ๐—ง) ๐—น๐—ผ ๐˜๐—ฎ ๐—ฐ๐—ผ๐—บ๐—ฝ๐—น๐—ฒ๐˜๐—ฎ๐—บ๐—ฒ๐—ป๐˜๐—ฒ ๐—ฟ๐—ฒ๐—ป๐—ผ๐—ฏ๐—ฎ ๐—ฑ๐—ฒ๐—ป ๐Ÿด ๐—น๐˜‚๐—ป๐—ฎ

Diabierna ultimo, Prome Minister tabata presente na Compleho Deportivo Guillermo Prospero Trinidad (CDGPT) na Dakota pa aprecia e comienso di trabounan di renobacion cu lo bay tuma luga den e proximo lunanan na dicho stadion.
Prome Minister a indica cu CDGPT ta un luga historico, na unda a hisa e prome bandera di Aruba riba 18 di Maart 1976. E stadion aki tabata un luga cu tur hende tabata kier a bishita, un luga asina bunita cu asta ekiponan di exterior tabata wordo invita pa bin hunga eyden. Lamentablemente prome cu 2014, a bin un tempo di deterioro na unda e pais su finansas cu ta e weso di lomba di un pais, a wordo afecta negativamente. E debe di pais Aruba a wordo redobla cu consecuencia cu no por a inverti mas den deporte.
Premier Wever-Croes a expresa di ta sumamente contento cu e plannan di renobacion. Den 8 luna, Aruba lo tin un stadion completamente renoba cu facilidadnan moderno, y cu ta bay duna espacio na nos muchanan y hobennan pa tin un luga pa practica nan deporte. Deporte ta contempla e trabou di mayornan den lanta un mucha sanamente, y pโ€™esey ta importante pa Aruba por brinda e muchanan y hobennan distraccion sano den deporte. Unabes e luga ta renoba, e lo bay atrae mas hoben den e caminda cu nos kier pa nan ta. Caminda cu nan ta biba mas saludabel y nan ta pasa nan tempo na un forma tambe mas responsabel.
Prome Minister ta gradici Minister di Deporte Endy Croes pa su vision y determinacion pa cu e proyecto aki. Awor comunidad completo por sinti e biento fresco di oportunidadnan nobo. Gobierno ta bay renoba e stadion y hacie bunita pa asina atrae hende pa bishitโ€™e. Un biaha mas, Aruba lo tin e oportunidad di invita otro ekiponan di exterior pa bin hunga na Aruba y asina engradece nos deporte.
Share this page to Telegram

This site uses Akismet to reduce spam. Learn how your comment data is processed.

%d bloggers like this: