Minister Ursell Arends: π£π₯π’π‘π§π’ π§π₯πππ’π¨ π£π’π₯ ππ¨π ππ‘π¦π π₯πππ π₯πͺππ π‘π’ππ’
Diamars mainta e comision encarga cu soluciona e problematica di desperdicio likido na Aruba a presenta un update di e proceso cu ta andando pa yega na un RWZI nobo. E proyecto ta den un estado hopi avansa y ta premira cu trabounan di construccion lo por cuminsa den zomer.
E problema di e planta di RWZI na Bubali no ta algo nobo y e ta un problema mas grandi cu simpel holo desagradabel. E ta un peliger pa nos salud, naturalesa, turismo, nos economia y e calidad di bida di nos hendenan. Den e programa di Gobernacion pa 2021-2025 a pone como meta pa crea concientisacion di e urgencia di e problematica aki y bin cu solucion sostenibel.
E planta na Bubali ta data di 1972 y e tempo ey e la wordo diseΓ±a pa sirbi un cierto cantidad di habitante. E tempo ey ta 60 mil hende ta biba na Aruba y 50 aΓ±a pasa ningun hende a pensa cu Aruba lo a conoce un desaroyo explosivo den cantidad di cambernan di hotel y cu esaki lo a haci cu e planta ta bira chikito pa capacidad di awa cu e mester procesa. Tambe tin un hospital grandi cu a drenta den funcion solamente algun aΓ±a despues di e planta di RWZI. Cu tempo e desaroyo economico di nos isla a bay laga desaroyo di infrastructura atras. E planta a bira chikito pa e volumen di desperdicio likido cu e mester procesa y su estado di mantencion a keda bai atras pa hopi aΓ±a pa motibo di falta di recurso financiero.
Durante e reunion cu e comision por a scucha for di e comision encarga cuanto trabou a wordo haci den e ultimo aΓ±anan pa yega na un solucion structural pa tur esaki, y cu e proyecto awor a drenta den un etapa hopi avansa y e ta cla pa wordo ehecuta.
E comision menciona a presenta na AHATA, ATSA, FPNA, DNM y tambe na gerencia di Amsterdam Manor e detayes di tur loke ta e plan, e trabounan cu a wordo haci caba, kico falta y den ki tempo ta pensa cu lo por keda cla. E comision ta lidera pa Sr. Jossy Figaroa, apunta pa Ministerio di Naturalesa, hunto cu Sr. Marlon Croes, director di DOW representando despacho di Minister President, y Sr. Ton Rojer di Utilities Aruba NV, cu ta parti di e carta di Ministerio di Energia.
Meta ta pa logra privatisa henter e sistema di desperdicio likido na Aruba. Pa medio di un entidad priva por sigura e inversion multi-miyonario cu ta necesario pa Aruba yega na un sistema moderno pa reemplasa e sistema chikito cu mientrastanto ta 50 aΓ±a biew.
Gobierno ta preparando pa traspasa tur planta di RWZI y tambe tur sistema di rioolering pa e entidad nobo aki. Dentro di 18 pa 24 luna Aruba lo ta ehempel den Caribe cu un sistema completamente nobo y moderno riba e tereno di desperdicio likido.
Hunto cu e sistema nobo lo introduci tambe un βregulatory frameworkβ. Esaki ta reglanan y normanan cu e planta y e sistema di rioolering mester cumpli cuβne. Cu esaki lo por monitor cu tur cos ta bay conforme standardnan y evita cu e planta nobo ta cay atras den e servicio cu e mester duna comunidad.
Den programa di Gobernacion 2021-2025 tambe a indica cu lo busca un plan sostenibel pa conserva y integra e 5 saliΓ±a βwetlandsβ den conexion cu RWZI-Bubali. Esaki awor ta parti integral di e areglo cu e operador nobo. Nan lo tuma e responsabilidad pa tene e nivel adecuado di awa den e Western Wetlands, pa asina yuda fortalese y stimula nos flora y fauna den diferente oasis chikito na lugarnan cu awe ta saliΓ±anan seco. Esaki na su turno lo yuda tambe diversifica nos producto turistico.
You must log in to post a comment.