KOMUNIKADO DI PRENSA 228/2023.
18 mei 2023.

Detenshon pa menasa.

Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ

Djawebs 18 di mei 2023 alrededor di 11.15’or durante patruyahe riba Haitiweg, un unidat
polisial a tuma nota di un diskushon bastante pisá entre dos hòmber na un kas riba e kaya
ei.
Mesora e unidat a aserká e dos personanan ku tabata diskutiendo pa tuma nota di kiko
tabata e problema i pa eventualmente intervení.
Durante ku polis tabata atendé ku e duo, e hòmber di mas edat a menasa e hóben di lo
mat’é. Esaki a sosodé den presensia di outoridat.
Mesora e unidat a hasi detenshon di e hòmber sospechoso E.J.A.J. di 61 aña di edat nase
na Kòrsou pa menasa.
A presentá e sospechoso dilanti di un fiskal ouksiliar ku a ordená su enkarselamentu
pendiente di mas investigashon.