𝐁𝐑𝐀𝐍𝐓𝐖𝐄𝐑 𝐓𝐀 𝐄𝐍𝐑𝐈𝐊𝐄𝐒𝐄 𝐒𝐔 𝐅𝐎𝐑𝐒𝐀 𝐑𝐄𝐏𝐑𝐄𝐒𝐈𝐕𝐎 𝐊𝐔 𝟏𝟒 𝐒𝐇𝐎𝐅𝐔𝐑 𝐃𝐈 “𝐋𝐀𝐃𝐃𝐄𝐑𝐖𝐀𝐆𝐄𝐍”

𝐁𝐑𝐀𝐍𝐓𝐖𝐄𝐑 𝐓𝐀 𝐄𝐍𝐑𝐈𝐊𝐄𝐒𝐄 𝐒𝐔 𝐅𝐎𝐑𝐒𝐀 𝐑𝐄𝐏𝐑𝐄𝐒𝐈𝐕𝐎 𝐊𝐔 𝟏𝟒 𝐒𝐇𝐎𝐅𝐔𝐑 𝐃𝐈 “𝐋𝐀𝐃𝐃𝐄𝐑𝐖𝐀𝐆𝐄𝐍”
Brantwer Kòrsou ta sigui ku e trayekto pa prepará su bomberonan riba diferente área. Den e lunanan ku a pasa Brantwer Kòrsou a prepará su bomberonan pa asina funshoná komo shofùr di “ladderwagen”. Den e periodo di yanüari te ku mart e bomberonan a start ku un entrenamentu intensivo kaminda nan a siña kiko tur e “ladderwagen” por hasi i kon pa manehá esaki di un forma responsabel i korekto. Un “ladderwagen” no ta un vehíkulo komun manera otro vehíkulo grandi, pero esaki tin diferente karakterístika ku ta hasié un vehíkulo speshal pa por hasi reskate for di haltura.
Despues di 2 luna di entrenamentu, Brantwer Kòrsou a reuní ku Curaçao Medical Center (CMC) pa asina plania un situashon fiktisio pa e bomberonan por a pasa un prueba kaminda ta evaluá si nan por kondusí i hasi un reskate riba haltura konforme e entrenamentu ku nan a haña.
Brantwer Kòrsou por bisa ku e lunanan di entrenamentu i e dianan di prueba na CMC tabata eksitoso i ku Brantwer a enrikesé su forsa represivo ku 14 shofùr di “ladderwagen” mas.
Brantwer Kòrsou ke gradisí CMC pa e kolaborashon den e trayekto aki i ta konta ku den futuro lo sigui traha mutuamente ku otro. Ku koperashon di Ministerio di Hustisia Brantwer Kòrsou lo sigui invertí den formashon di su personalnan.