Oryx Petroleum Limited ta firma MOU ku RdK
Oryx Petroleum Limited ta firma MOU ku RdK
Oryx Petroleum Limited resientemente a firma un memorandum of understanding ku Refineria di Kòrsou (RdK) ku ta spesifiká e kuadro pa e partidonan realisá debido deligensia i pa strukturá e negosashonnan di kualke akuerdo definitivo i final.
Oryx Petroleum Limited ta un kompania afiliá na Ghanim Bin Saad & Sons Group. Oryx Petroleum ta un kompania global di zeta i gas ku ta buska manera pa ekspandé nan portafolio ku oportunidatnan di invertí den e sektor di zeta & gas na Kòrsou i otro paísnan den región.
Oryx Petroleum a entregá un otro memorandum of understanding ku Alternative Energy Facility B.V. (AEF), kual lo bira e avisor lokal di Oryx. Oryx a asigná AEF pa kordiná rekisitonan i logistikanan lokal pa e entrega di e debido deligensia. AEF ta enkabesá pa sr. Darick Jonis ku lo traha huntu ku e tim riba e proyekto aki.
Oryx a apuntá Maunsell Investment Management pa manehá consultantnan tekniko, finansiero i legal internashonal i lokal pa realisá e debido deligensia. E consultantnan aki a kuminsá nan trabou i lo mester presentá un reportahe di nan hayasgonan i rekomendashonnan.
Asina e proseso di e debido deligensia ta kompletu, RdK i Oryx lo kuminsá e negosashonnan di e akuerdonan final bou di kual e partidonan ta spera di akordá riba e términonan di invershon pa Oryx den e fasilidatnan di RdK.
