Komishon Sentral di Parlamento a deliberá ku Defensor di Pueblo i representante di Konseho Maneho pa Grandinan enkuanto kuido pa hende grandi sikogeriatriko.

Parlamento di Kòrsou

Komishon Sentral di Parlamento a deliberá ku Defensor di Pueblo i representante di Konseho Maneho pa Grandinan enkuanto kuido pa hende grandi sikogeriatriko.
Djabièrnè 10 di novèmber 2023, Miembronan di Parlamento a bin huntu den un Komishon Sentral pa deliberá ku Defensor di Pueblo i dr. Rob de Lannoy, representante di Konseho Maneho pa Grandinan, relashoná ku kuido pa hende grandi sikogeriatriko.
E reunion a kuminsá ku un presentashon di parti di Konseho Maneho pa Grandinan i splikashon adishonal di parti di Defensor di Pueblo.
Miembronan di Parlamento a haña e oportunidat pa hasi pregunta. Despues di e úniko tanda di pregunta, Defensor di Pueblo i sr. De Lannoy di Konseho Maneho pa Grandinan, a kontestá e preguntanan hasí den sala di reunion di Parlamento.
Psikogeriatría ta trata afekshonnan mental i hopi biaha esaki ta surgi na un edat mas avansá. Un di formanan mas konosí ta demensia.