Minister Hato i su delegashon, konsisti di entre otro Komandante di Brantwer Kòrsou, a hasi un bishita na Kuerpo di bombero Hulanda Karibense (BKCN)

Minister Shalten Hato

Minister Hato i su delegashon, konsisti di entre otro Komandante di Brantwer Kòrsou, a hasi un bishita na Kuerpo di bombero Hulanda Karibense (BKCN)
Primeramente e delegashon a risibí un rekorido den e edifisio prinsipal di BKCN kaminda a sera konosí ku tim di maneho, staf i personal. Tambe e delegashon a haña chèns di tuma nota di e vehikulonan i ekiponan modèrno di BKCN.
E sitio di treinen i práktika spesial pa e personal di Brantwer tambe tabata parti di e programa. Einan e delegashon a risibí un splikashon amplio di e infrastruktura modèrno na e sitio si treinen i alabes a haña un demostrashon.
Minister tin atenshon kontinuo pa kapasitá i trein e personal di bombero, ku e meta di tin un kuerpo di bombero profeshonal, ku un personal bon kapasitá pa salvaguardiá seguridat di nos pais. Pa e motibu aki a kòmbersa ku Komandante di Brantwer di BKCN riba fortifikashon di e lasonan pa traha huntu riba tereno di edukashon i tambe strategia diario mirando e avanse nan teknológiko ku tin impakto riba e kuerponan di bombero.
Denter di poko lo konkretisá e plataforma pa komandantenan di e kuerponan di bombero na Kòrsou, Aruba i Sint Maarten pa asina bini huntu i debatí of interkambiá di idea riba e servisionan ku brantwer ta ofresé.