KUERPO POLISIAL KÒRSOU 

KOMUNIKADO DI PRENSA

158/2026

24 mei 2026 

Informashon anónimo pa poseshon di arma di kandela ilegal 

Despues di e promé akshon ‘Entrega bo arma i skapa un alma’, Kuerpo Polisial  Kòrsou ke sigui garantisá un komunidat mas sigur i liber di presensia di arma di  kandela ilegal. 

Banda di e kantidat di arma ku a keda entregá boluntariamente dor di  siudadanonan i entradanan hudisial kombiná ku kontròlnan preventivo  eksitoso, polis ta sigui saka armanan di kandela ilegal for di sirkulashon. I pa logra esaki, nos tin mester di ABO! 

Entrante promé di yüni 2026 ta bai kuminsá duna oportunidat na tur  siudadano ku sa ken ta disponé di un arma di kandela ilegal of na unda tin un  arma di kandela pa kua e doño no tin un permít, pa pasa e informashon aki pa  polis. 

Esaki bo por hasi, dor di keda anónimo. 

Djis yama e liña anonimo 108. Na e number aki, e funshonario ku ta atendé bo,  no por mira for di kua number di telefòn bo ta yamando. 

P’esei riba su instrukshon bo ta duna un kódigo ku abo so sa. 

Despues bo ta duna e informashon ku bo tin mas konkreto i kompletu posibel. Si bo informashon kondusí na konfiskashon di e arma òf armanan di kandela,  lo bo risibí un montante di: 

➢ XCG 1000,- pa arma di kandela semi outmátiko; 

➢ XCG 300,- pa mas arma riba e mesun tep; 

➢ XCG 1600,- pa armanan di kandela outomátiko i ‘handgranaat’; ➢ XCG 500,- pa armanan di kandela ku resultá di no ta funshoná.

SIRBI I PROTEHÁ 

Departamentu di Komunikashon i Prevenshon Página 1 

Ta importante pa abo komo esun ku a duna e tep, drenta den kontakto bèk ku  e liña 108, na momentu ku bo a tuma nota ku bo informashon a duna  resultado. Pa motibu ku polis no tin bo number di telefòn i otro datonan. Esun ku a duna e tep di oro, lo risibí su pago entre 2 pa 3 siman despues di e  investigashon. 

Kuerpo Polisial ta garantisá un bia mas un proseso hustu i diskreto i ta hasi e  apelashon tambe na esunnan ku lo duna tep, pa kompartí esaki solamente ku  polis i únikamente via 108 pa bo anonimidat keda garantisá.