CFC ta risibi un ‘face lift’ p’e konsierto di Burna Boy

CFC ta risibi un ‘face lift’ p’e konsierto di Burna Boy

Otro siman dia 28 di òktober lo ta tremendo!

 

WILLEMSTAD: Miéntras e dianan ta aserkando, preparashonnan ta intensivá pa nos bai kontra dia 28 di òktober fecha riba kual e magno konsierto di Burna Boy ta tuma lugá. Naturalmente e tim lokal ta hasiendo tur loke ta nesesario, no únikamente p’e konsierto ta tòp, pero pa e resultá un eksperensia total pa tur ku bishitá Curacao Festival Center (CFC) djabièrnè dia 28 di òktober. Asina por menshoná ku CFC a risibi un ‘face lift’ di manera ku tur bishitante por sinti nan mes great djabièrnè anochi. SUN SPLASH i e tim lokal a hasi reparashon na e bañonan, bar i algun área prinsipal na unda públiko lo trafiká, meskos tambe na e murayanan paden. Naturalmente ora un artista bin Kòrsou ke mustra e mihó ‘kara’ di nos isla. Pues, ademas di trese e artista pa Kòrsou disfrutá a invertí tambe, kontribuyendo na mantenshon di e sentro di festival mas grandi na Kòrsou.

 

Ambiente lo forma den sekshon general:

E sekshon general, lo ta yen di ambiente i esei por konkluí na e ritmo di benta di karchi. Despues ku a anunsiá ku sekshonnan di VIP a ‘sold out’ i ku tin djis algun shen karchi mas di VIP standing ‘location’ , niun hende ke keda afó di e konsierto. Tur wowo a bai riba general; mundialmente esaki ta e sekshon na unda ku e ambiente ta konsentrá.  E pre-show  ta kompletu! Entre FMG, B’JAY ku su live band, MC Chris Strick, MC Don T, Dj Krokzz, Dj Fab i Dj Lambo lo forma e ambiente pa ora Burna Boy subi esenario. Ta pidi pa tur hende tuma nota ku ta importante pa for di 6’or kuminsá forma liña di entrada. Portanan lo habri 7’or di anochi i lo kuminsá mesora ku e line-up, un tras di otro.

 

Pendiente pa bo radio emisora faborito; e siman aki nan lo forma e hype, regalando karchi ku diferente gimmick pa oyente di manera ku dia 28 di òktober tur hende por kanta huntu ku Burna Boy!  Fanátikonan ke ta serka di artista ta p’esei mes a hasi e konsierto aksesibel pa tur hende. SUN SPLASH, Key Caribe i Unique Productions ta invitá Kòrsou p’e  konsierto di BURNA BOY ku su banda aki na Kòrsou! Karchinan ta optenibel na tur punto di benta i riba caribbeanticketshop.com