Djasabra 16 di Mart nos flamante Miss International Bonaire 2019 Vera Ghazzouli a kuminsa ku su labor soshal. Vera a join ku Bonaire Lion Club i nan a bai “hasi bon pasa bon” ku e grandinan di e grupo 60 plus “Flor di Orkidea”. 

Djasabra 16 di Mart nos flamante Miss International Bonaire 2019 Vera Ghazzouli a kuminsa ku su labor soshal. Vera a join ku Bonaire Lion Club i nan a bai “hasi bon pasa bon” ku e grandinan di e grupo 60 plus “Flor di Orkidea”.

Tabata den e kuadro di BONDOET kaminda nos Miss International Bonaire 2019 a bai keiru i disfruta ku nos grandinan, e paseo a kuminsa den nan sede na Nort Saliña i foi einan e bus yen di alegria i hopi historia a sali kore kareteranan di Boneiru te ku hasta nan a yega Rincon ayanan nan stop na entrada di Washington Park kaminda grandinanan a sosega un ratu disfrutando di airu fresku ku solamente den e luga ey tin. Ratu despues nan a sigui kaminda playa i asina nan a bai dusfruta di un tremendo lunch krioyo baho e dushi sombra di un palu i yen di matanan i flornan.

Grandinan a finalisa nan dia speshal mesun kaminda nan a sali (nan sede) i nan a keda asina kontentu ku nan a pidi pa otro aña hasiele atrobe.

Vera (Miss International Bonaire) a dusfruta hopi di e dia aki, a yuda grandinan, a gosa ku nan, papia ku nan i hasta buta music pa nan disfuta i kanta yen di alegria; e eksperensha aki a duna Vera un otro vishon di lo ke nos grandinan mester i tambe a mustra Vera kon dushi ta tende nan historianan i kuentanan.

Miss International Bonaire ta bai sigui ku su labor soshal riba diferente gruponan di enfoke na Boneiru.