Willemstad – Servisio pa Tràfiko i Transporte (UOVV) ta anunsiá ku e lokal pa kùr vehíkulo ‘Keuringslokaal’ ta habri bèk awe, 21 di mart 2019 pa públiko. Tur vehíkulo ku no a logra kùr ayera por bin kùr sea awe entre 8.00am pa 11.30am i 1.30pm pa 3.30pm. Tambe lo por bin kùr mañan djabièrnè parti mainta promé ku 11.30am.

UOVV ta pidi su diskulpá pa e inkumbinensia ku esaki a kousa i ta traha pa alkansá e retraso.