Starbucks Kòrsou den preparashon pa ‘Barista Championship’

 

WILLEMSTAD – Dia 26 di yüni benidero Starbucks Kòrsou lo tin e kampionato nashonal di barista, for di kual lo saka un ganador ku lo partisipá na e anual ‘Starbucks Barista Championship’. Tur aña di nobo míles di barista ta kompetí den e promé tanda ku ta na nivel nashonal pa despues e barista ganador demostrá su talento na nivel regional representando su pais. E aña aki, riba dia 26 di yüni Norenis Overman i Ahmeda Afonso lo kompetí pe título di mihó barista na Kòrsou. E premio, ademas di rekonosementu di kliente i kolega lo ta un biahe di partisipashon na e Barista Championship ku lo tuma lugá próksimamente na Costa Rica.

 

Norenis tin 7 aña laborando na Starbucks, su bebida faborito ta e ‘White Mocha’ ku kané sin ‘whip’. Loke mas e ta gusta di su trabou ta, ora ku klientenan ta dun’e kòmplimènt pa su bon trabou. Esei ta loke mas ta yena su kurason. Ahmeda Afonso tin 6 luna trahando, pero ya ta un barista ku hopi pashon. Su bebida faborito ta e ‘Caramel Macchiato’ ku ‘oatmilk’ i un krenchi di sirop di karamèl. Loke mas e gusta di su trabou ta e interkambio ku kliente. Tur dia di nobo ta un oportunidat di sera konosí ku hende nobo. Den su mes palabranan, “Mi trabou komo un ‘Starbucks barista’ ta permitimi pone un sonrisa riba kara di mi kliente i ta hasi ami tambe hopi kontentu.”

 

Un kos ta sigur; tur bebida sea ta un cappuccino, latte, èsprèso òf frappuccino, tur ta wòrdu kreá ku pashon na Starbucks Renaissance Mall i tambe n’e kiosk den hotèl. Kada barista di Starbucks ta traha ku dedikashon i ta demostrá nan abilidat p’e arte di kòfi kreando bibidanan ku ta ofresé un eksperensia sin igual na kada kliente. Starbucks ta aktivo den merkado di Kòrsou for di 2011. Keda pendiente di e retnan sosial di Starbucks, p’asina bo tambe mira ken ta gana e título di mihó barista na Kòrsou.

 

—-