Pronóstiko di tempu pa Kòrsou i bisindario bálido te djaweps mainta 06:00 o.l., 11 di yüli 2024.

Pronóstiko

Pronóstiko di tempu pa Kòrsou i bisindario bálido te djaweps mainta 06:00 o.l., 11 di yüli 2024.
Kompilá: djárason 10 di yüli 2024, 05:00 o.l. (09:00 UTC).

Tempu: Por lo general parsialmente nublá ku bientu de bes en kuando un poko fuerte i prinsipalmente seku.

Temperatura máksimo lo alkansá 32ºC i temperatura mínimo 28ºC.
Solo ta sali 06:17 i ta baha 19:05 o.l.

Bientu: For di direkshon generalmente ost i moderá te basta fuerte; forsa 4 te 5 (20 te 39 km/ora, 11 te 21 nudo). De bes en kuando fuerte den ráfaga; forsa 6 (40 te 50 km/ora, 22 te 27 nudo).

Situashon general: Durante próksimo 24 ora, no ta antisipá desaroyo di nubia signifikante riba nos region i pa e motibu aki un wer prinsipalmente seku lo prevalesé riba nos isla. Sinembargo, un oumento temporal di nubia durante di oranan di mainta por kondusí na algu di áwaseru riba sierto parti di nos isla. Mas aleu, bista lo ta un poko redusí debí na stòf di Sahara i bientu lo supla de bes enkuando basta fuerte.

Kondishon di laman: Moderá ku altura di olanan entre di 1 i 2 meter (3 i 6 pia). E olanan di mas haltu lo ta riba e zona di laman na nort i nortwèst.

Sistemanan signifikante di wer tropikal: Ningun.

Fenómeno spesial: Ningun.

Perspektiva te djabièrnè mainta: Parsialmente te de bes enkuando hopi nublá ku chèns pa un áwaseru lokal.

Meteorólogo: Rombley