Pronóstiko di tempu pa Kòrsou i bisindario bálido te djamars mainta 06:00 o.l., 13 di ougùstùs 2024.

Pronóstiko di tempu pa Kòrsou i bisindario bálido te djamars mainta 06:00 o.l., 13 di ougùstùs 2024.
Kompilá: djaluna 12 di ougùstùs 2024, 05:00 o.l. (09:00 UTC).

Tempu: Tiki nublá i seku.

Temperatura máksimo lo alkansá 33ºC i temperatura mínimo 27ºC.
Solo ta sali 06:24 i ta baha 18:57 o.l.

Bientu: For di suitost i moderá; forsa 3 te 5 (12 te 39 km/ora, 7 te 21 nudo). Ráfaga, de bes en kuando posiblemente fuerte; forsa 6 (40 te 50 km/ora, 22 te 27 nudo).

Situashon general: Un airu relativamente seku lo pasa riba e region Sur Karibense durante e próksimo 24 ora. Pa e motibu aki no ta spera nubianan signifikante pasa riba nos área i chèns pa awa kai ta keda chikí. Na mes momentu ta antisipá un siklon tropikal den e área nort di Karibe pa medio di e siman aki. Aunke ku Kòrsou no lo sinti e impakto direkto, ta antisipá ku bientu lo mengua i bira basta suak te kalmu riba djárason. Komo konsekuensia, lo reina un situashon di kalor sofokante durante e próksimo dos dianan.

Kondishon di laman: Moderá ku altura di olanan entre di 1 i 2 meter (3 i 6 pia). E olanan di mas haltu ta serka di serka di kostanan nort i ost i riba laman habrí.

Sistemanan signifikante di wer tropikal: Un área di preshon abou situá riba osean atlántiko, tin 80% chèns pa sigui desaroyá den un siklon tropikal durante próksimo 48 ora. E sistema aki ta riba e parti sentral di Osean Atlántiko, meimei entre di e islanan Cabo Verde i e islanan ost di área Karibense. E sistema tropikal aki ta moviendo den un direkshon wèst nortwèst i lo krusa e área nort di Karibe durante aserkando mitar di e siman aki. E disturbio aki no ta forma un menasa pa e wer di Kòrsou.

Fenómeno spesial: Ningun.

Perspektiva te djárason mainta: Bientu lo mengua i lo ta un dia hopi kalor.

Meteorólogo: Correa