Pronóstiko di tempu pa Kòrsou i bisindario bálido te djaweps mainta 6:00 o.l., 15 di ougùstùs 2024.

Pronóstiko

Pronóstiko di tempu pa Kòrsou i bisindario bálido te djaweps mainta 6:00 o.l., 15 di ougùstùs 2024.
Kompilá: djárason 14 di ougùstùs 2024, 05:00 o.l. (09:00 UTC).

Tempu: Shelu lo ta nublá i periodonan ku solo, wer por lo general seku i den dia ta bira kalor.

Temperatura máksimo lo alkansá 34ºC i temperatura mínimo 29ºC.
Solo ta sali 06:24 i ta baha 18:56 o.l.

Bientu: Direkshon sùitost i moderá; forsa 3 te 4 (12 te 30 km/ora, 7 te 16 nudo). De bes en kuando, ráfaga basta fuerte i mas lat awe te fuerte; forsa 5 te 6 (31 te 50 km/ora, 17 te 27 nudo).

Situashon general: Durante anochi, den un pasashi nortwèst, tormenta tropikal Ernesto a pasa serka ost i nortost di Puerto Rico. Segun e siklon ta alehá di Karibe den direkshon nort, ekstenshon di un preshon haltu lo establesé su mes riba e parti ost den Laman Karibe. Bou di influensia di e preshon haltu aki ta antisipá un fluho kalor di sùitost, miéntras e wer lo kontinuá stabil den e área di nos isla. Hidratá sufisiente i si ta posibel, keda den fresku i evitá trabounan pisá den airu liber.

Kondishon di laman: Trankil te moderá ku altura di olanan entre di 0.5 i 1.5 meter (2 i 4 pia). E olanan di mas haltu lo ta riba laman habrí i serka di kosta na sùit, ku olanan di 1 pa 2 meter (3 pa 6 pia).

Sistemanan signifikante di wer tropikal: Awe mainta tempran 5 AM, tormenta tropikal Ernesto tabata situá riba parti wèst di Atlántiko Nort, na mas o ménos 135 kilometer nortwèst di San Juan, Puerto Rico. Ta premirá ku ainda Ernesto tin un bon chèns pa sigui desaroyá den un orkan, miéntras e ta move nort nortwèst ku 26 kilometer pa ora. Siklon tropikal Ernesto no ta un menasa pa Kòrsou.

Fenómeno spesial: Ningun.

Perspektiva te djabièrnè mainta: Parsialmente nublá ku chèns pa algu di áwaseru den mainta i e dia lo ta ménos kalor.

Meteorólogo: Coffie