Pronóstiko di tempu pa Kòrsou i bisindario bálido te djaweps mainta 06:00 o.l., 23 di yanüari 2025. KÓDIGO HEL: MENSAHE DI PREKOUSHON PA LAMAN BRUTU PA ÁREANAN DI KOSTA NORT I OST DI KÒRSOU.

Pronóstiko

Pronóstiko di tempu pa Kòrsou i bisindario bálido te djaweps mainta 06:00 o.l., 23 di yanüari 2025.
Kompilá: djárason 22 di yanüari 2025, 05:00 o.l. (09:00 UTC).

KÓDIGO HEL: MENSAHE DI PREKOUSHON PA LAMAN BRUTU PA ÁREANAN DI KOSTA NORT I OST DI KÒRSOU.

Tempu: Por lo general parsialmente nublá, ku bientu de bes fuerte i algun áwaseru lokal.

Temperatura máksimo lo alkansá 30ºC i temperatura mínimo 25ºC.
Solo ta sali 07:01 i ta baha 18:33 o.l.

Bientu: Generalmente ost i moderá te basta fuerte; forsa 3 te 5 (12 te 39 km/ora, 7 te 21 nudo). Prinsipalmente den áwaseru, ráfaga nan fuerte te posiblemente duru; forsa 6 te 7 (40 te 61 km/ora, 22 te 33 nudo).

Situashon general: Durante di próksimo 24 ora, e sistema di preshon haltu riba Atlántiko lo sigui generá bientunan di ost ku forsa moderá te fuerte den nos área. Komo resultado, kondishon di laman lo ta brutu, prinsipalmente laman habrí na nort i os di Kòrsou (Kódigo hel). Mas aleu, nubianan ku ta move den e fluho di bientu aki lo generá momentunan di áwaseru riba partinan di nos isla, prinsipalmente durante oranan di mainta trempan.

Kondishon di laman: Moderá te lokalmente brutu ku altura di olanan entre 1 i 2.5 meter (entre 4 i 8 pia). E olanan di mas haltu lo ta generalmente riba laman habrí na nort.

Fenómeno spesial: Ningun.

Perspektiva te djabièrnè mainta: Parsialmente nublá i no ta antisipá áwaseru signifikante.

Meteorólogo: Rombley.