Pronóstiko di tempu pa Kòrsou i bisindario bálido te djaluna mèrdia 12:00 o.l., 2 di yüni 2025.
Pronóstiko
Pronóstiko di tempu pa Kòrsou i bisindario bálido te djaluna mèrdia 12:00 o.l., 2 di yüni 2025.
Kompilá: djadumingu 1 di yüni 2025, 11:00 o.l. (15:00 UTC).
Tempu: Shelu ta parsialmente te hopi nublá i pa restu di awe, ku wer por lo general seku. Prinsipalmente mayan mainta, un bes mas tin chèns pa awa kai lokalmente.
Temperatura máksimo lo alkansá 32ºC i temperatura mínimo 27ºC.
Solo ta sali 06:10 i ta baha 18:57 o.l.
Bientu: For di ost i moderá te basta fuerte; forsa 4 te 5 (20 te 39 km/ora, 11 te 21 nudo). Ráfaga de bes en kuando fuerte; forsa 6 (40 te 50 km/ora, 22 te 27 nudo). Den anochi, ménos fuerte.
Situashon general: E nivel mas abou di atmósfera, algu húmedo i levemente instabil lo kousa de bes en kuando formashon di nubianan ku posibilidat di áwaseru riba e área di nos isla, miéntras ku un kapa di stòf di Sahara ta sigui redusí e visibilidat i kalidat di airu den e region. Mas ainda, e sistema di preshon haltu riba Atlántiko lo generá bientunan relativamente fuerte di direkshon ost, ku na su bùrt lo sòru pa olanan ta mas haltu ku normal durante e siguiente un te dos dianan.
Kondishon di laman: Por lo general moderá ku altura di olanan entre 1 i 2 meter (3 i 7 pia). E olanan di mas haltu lo ta riba laman habrí na parti nort.
Sistemanan signifikante di wer tropikal: Ningun. E temporada di orkan 2025 ta kuminsá ofisialmente awe, dia promé di yüni. Manera ta kustumber, Departamento Meteorológiko Kòrsou lo vigilá di tur disturbio ku por forma un menasa pa nos isla. Si ta nesesario, lo emití atvertensia na públiko en general i outoridatnan di Kòrsou. E nòmbernan reservá pa e tormentanan tropikal i orkannan di e aña aki ta: Andrea, Barry, Chantal, Dexter, Erin, Fernand, Gabrielle, Humberto, Imelda, Jerry, Karen, Melissa, Nestor, Olga, Pablo, Rebekah, Sebastien, Tanya, Van i Wendy.
Fenómeno spesial: Ningun.
Perspektiva te djamars mèrdia: Leve te parsialmente nublá ku wer seku.
Meteorólogo: Coffie
