Pronóstiko di tempu pa Kòrsou i bisindario bálido te djasabra mainta 06:00 o.l., 20 di sèptèmber 2025.

Pronóstiko

Pronóstiko di tempu pa Kòrsou i bisindario bálido te djasabra mainta 06:00 o.l., 20 di sèptèmber 2025.
Kompilá: djabièrnè 19 di sèptèmber 2025, 05:00 o.l. (09:00 UTC).

Tempu: Parsialmente te de bes en kuando hopi nublá ku chèns pa algun áwaseru lokal i no ta ekskluí e chèns pa welek i bos.

Temperatura máksimo lo alkansá 33ºC i temperatura mínimo 27ºC.
Solo ta sali 06:25 i ta baha 18:34 o.l.

Bientu: Entre ost i suitost i suak te moderá; forsa 2 te 3 (7 te 19 km/ora, 4 te 10 nudo). De bes en kuando moderá den ráfaga; forsa 4 (20 te 30 km/ora, 11 te 16 nudo).

Situashon general: Durante di e proksimo 24 ora, ta premirá un oumento gradualmente di humedat for di sùit den kombinashon ku un disturbio ku lo oumentá instabilidat atmosfériko i afektá e tempu den nos área. Esaki por kondusí na desaroyo di nubianan signifikante i trese algun áwaseru riba partinan di Kòrsou durante di dia. Lo no ekskluí e chèns pa welek i bos. Tambe ta ferwagt ku e próksimo dianan benidero, e forsa di bientu lo varia entre suak i moderá kontribuyendo na temperaturanan un poko mas kayente i asina stimulá sintimentu di kalor.

Kondishon di laman: Trankil ku altura di olanan entre 0.5 i 1.0 meter (2 i 4 pia).

Sistemanan signifikante di wer tropikal: Tormenta tropikal Gabrielle ta move nortwèst riba e laman habrí di Atlántiko Nort. E tormenta no ta forma un menasa pa Kòrsou.

Fenómeno spesial: Ningun.

Perspektiva te djadumingu mainta: Parsialmente nublá i sin áwaseru signifikante.

Meteorólogo: Vrutaal.