Un total di 9 ‘Tourist Guide Trainers’ nobo a keda sertifiká
Un total di 9 ‘Tourist Guide Trainers’ nobo a keda sertifiká
WILLEMSTAD – 26 di novèmber 2025 – Resientemente 9 guia turístiko a risibí nan sertifikado komo parti di un kurso intensivo di ‘Tourist Guide Trainer’ ofresé pa Ofisina di Turismo di Kòrsou (CTB) den estrecho kolaborashon ku World Federation of Tourist Guide Associations (WFTGA). Guianan turístiko tin un ròl importante den ofresé informashon korekto na nos turistanan. Informashon di entre otro historia, herensia i sitionan importante na Kòrsou. E kurso di 2 siman a inkluí un kombinashon di diferente training práktiko pa refreská i fortalesé e téknikanan pa duna guia. Tambe a para ketu na e komponentenan di ‘Train the Trainer’ kual a pone énfasis riba e abilidatnan rekerí pa desaroyá training i di duna coaching. E programa a terminá ku un eksámen na final. Tur e partisipantenan ku a terminá e kurso, a keda sertifiká komo Trainer Nashonal bou di e struktura di WFTGA. Durante un seremonia ameno, Direktor di CTB, Muryad de Bruin huntu ku Minister di Enseñansa, Siensia, Kultura i Deporte, Sithree van Heydoorn a hasi entrega di sertifikado na e partisipantenan.
E kurso a keda duná pa un fasilitadó internashonal di training di WFTGA, kual a biaha for di Noruega pa asina ofresé e kurso na e partisipantenan di Kòrsou. E kurso di 2 siman, a inkluí tópikonan manera: konsientisashon kultural, planifikashon di itinerario, maneho di krísis, diseñá i manehá kursonan di guia turístiko, fasilitá seshonnan interaktivo, e poder di feedback i abilidatnan pa duna coaching. Tambe a praktiká e téknikanan di walking tour, site tour i tour riba un vehíkulo.
E konosementu atkerí ta ekipá kada unu ku e abilidatnan nesesario pa por train i sertifiká futuro guianan turístiko komo parti di un struktura lokalmente i internashonalmente rekonosé.
Nine New Tourist Guide Trainers Certified
WILLEMSTAD – November 26, 2025 – Recently, nine tourist guides received their certificate after completing an intensive Tourist Guide Trainer course offered by Curaçao Tourist Board (CTB) in close collaboration with World Federation of Tourist Guide Associations (WFTGA). Tourist Guides play an important role in providing accurate information to our visitors, including history, heritage, and significant sites in Curaçao. The two-week course included a combination of practical training sessions aimed at refreshing and strengthening guiding techniques. It also covered key Train the Trainer components, emphasizing the skills required to develop training programs and provide coaching. The program concluded with a final exam. All participants who completed the course were certified as National Trainers under the structure of WFTGA. During a pleasant ceremony, CTB Managing Director, Mr. Muryad de Bruin together with Minister of Education, Science, Culture, and Sports, Mr. Sithree van Heydoorn, presented certificates to the participants.
The course was delivered by a Lead International Trainer from WFTGA, who traveled from Norway to offer the program to participants in Curaçao. The two-week course covered topics such as Cultural Awareness, Itinerary Planning, Crisis Management, Designing and Managing Tourist Guide Training Courses, Facilitating Interactive Classroom Sessions, the Power of Feedback, and Coaching Skills. Participants also practiced walking tour, site tour, and vehicle tour techniques.
The knowledge gained equips each participant with the necessary skills to train, coach and certify future tourist guides as part of a local and internationally recognized framework.
