Parlamento di Kòrsou: Deliberashon ku Minister di Enseñansa, Siensia, Kultura i Deporte riba e rapòrt “Estado di Enseñansa Profeshonal Sekundario i Formashon Profeshonal 2025”.

Djaweps, 15 di yanüari 2026, E reunion a kuminsá ku un presentashon di e Eksperto General di enseñansa, sr. Raily Goedgedrag. Despues di e presentashon, sr. Ramon Yung, ku a presidí e reunion, a duna Miembronan di Parlamento e oportunidat pa hasi pregunta den e promé tanda.

Na final di e promé tanda, Minister sr. Sithree van Heydoorn a pidi un ora pa por elaborá riba e temanan i kontestá e preguntanan ku a keda hasi dor di Miembronan di Parlamento. E reunion a wòrdu reanudá, i Minister a kontestá tur preguntanan di e promé tanda.

Seguidamente, sr. Yung a habrí e di dos tanda, kaminda Miembronan di Parlamento a haña oportunidat pa hasi pregunta i duna remarke relashoná ku e tópiko. Algun miembro a hasi uso di e oportunidat aki.

Minister Van Heydoorn a kontestá e remarkenan mesora, i Vice Presidente di Parlamento a sera e reunion.