*UPDATE #3: Final Marcha di Tiner*

Marcha di Tiner a terminá 11.35 or di anochi i a transkurí na un manera seif i ordená.

‘Meldkamer’ sentral a risibí notifikashon tokante un vehíkulo stashoná dilanti entrada di un kas na Kaya Italia. Na yegada di polis a pidi asistensia di un “takelwagen’ pa tou e vehíkulo.

Polis a topa tambe ku un ‘fatbike’ ku tabata kore riba e ruta di karnaval. A duna e shofùr òrdu pa baha kana pero e no a duna oido pa kua motibu polis a konfiská esaki i hib’é warda di polis. E shofùr di e ‘fatbike’ no tabata kontentu ku esaki i a insultá polisnan na e sitio, pa kua a pasa ofer na su detenshon. A detené un mucha hòmber di inisial I.Z.P. di 16 aña di edat, pa insulto di un ámtenar den funshon.

Na Kaya Pedro Piet Siliee a duna dos (2) shofùr but pa stashoná tras di barikada. Na momentu ku polis a presentá na e vehíkulonan, e shofùrnan a paresé pa risibí nan but.

Kuerpo Polisial lo sigui vigilá riba e reglanan di tráfiko i tambe riba mantenshon di órden públiko.