CONCACAF U-20 QUALIFIERS LO TUMA LUGÁ DI 23 DI FEBRÜARI PA 4 DI MART 2026 AKI NA KÒRSOU! 

CONCACAF U-20 QUALIFIERS LO TUMA LUGÁ DI 23 DI FEBRÜARI PA 4 DI MART 2026 AKI NA KÒRSOU! 

 

Kòrsou lo ta anfitrion pa grupo B i grupo D di e 2026 Concacaf U-20 Qualifiers ku lo tuma lugá di 23 di febrüari pa 4 di mart 2026 den stadion Rignaal ‘Jean’ Francisca. 

 

Un total di 32 pais ta kompetí den e torneo aki ku a keda repartí den 6 grupo di 6 pais òf 5 pais. Jamaica, Puerto Rico, St.Kitts & Nevis, Cayman Islands, Turks & Caicos Islands, Boneiru, Haiti, Guyana, St.Vincent & The Grenadines i Anguilla lo ta e 10 paisnan ku lo ta di bishita na Kòrsou pa kompetí den e torneo aki. Tur dia lo tin 2 òf 3 partido ku ta tuma lugá 2’or, 5’or i 8’or di anochi den Stadion Rignaal ‘Jean’ Francisa.

 

Kòrsou mas ku klaro tambe lo ta bon representá pa nos selekshon nashonal U-20 ku ta bai tur ku tin pa duna un bon bataya. Nos 21 hungadónan bou di guia di Dean Gorré i su staf tékniko tin vários luna ta praktiká pa nos próksimo kompromisonan. 

 

Kòrsou ta forma parti di grupo D; kla pa enfrentá Haiti, Guyana, St. Vincent & the Grenadines i Anguilla, ku e meta pa klasifiká komo number 1 den nos grupo i sigui pa e siguiente ronda.

 

Skema di e partidonan di Kòrsou;

 

	Fecha	Orario	Ekipo di kas	Bishsitante	Stadion
1	24-2-2026	8:00 PM	Kòrsou	Guyana	Stadion Rignaal ‘Jean’ Francisca
2	26-2-2026	8:00 PM	Kòrsou	St. Vincent & The Grenadines
3	2-3-2026	5:00 PM	Anguilla	Kòrsou
4	4-3-2026	8:00 PM	Haiti	Kòrsou

 

Preparashonnan ta kontinuá pa e inisio di e torneo aki tuma lugá ku partispashon di 11 pais aki na Kòrsou. Manera semper nos selekshon ta konta ku e apoyo i sosten di pueblo di Kòrsou kompletu pa nos muchanan saka nos kara!

 

Keda pendiente pa mas informashon…

 

19 febrüari 2026