Reshèrshinan di KPCN a tene entrada hudisial na un kas na Kaya Monseigneur Nieuwindt.

Djamars 17 di mart, reshèrshinan di KPCN a tene entrada hudisial na un kas na Kaya Monseigneur Nieuwindt. E entrada hudisial ta relashoná ku un investigashon i kehonan tokante estafa. Relashoná ku e investigashon andando, a detené dos persona. Ta trata di un hende hòmber di inisial S.J.J.J. di 44 aña di edat i un dama di inisial S.Y.S.D.M.J. di 18 aña di edat. Mas aleu a konfiská artíkulonan relevante pa e investigashon. Investigashon den e kaso ta kontinuá.