KUERPO POLISIAL KÒRSOU 

KOMUNIKADO DI PRENSA

083/2026

18 mart 2026 

Alerta pa práktika nobo di ladronisia 

Tin un práktika nobo ku a lanta kabes. 

E Tim ku ta investigá ladronisia di vehíkulo a tuma nota di lo siguiente. Na momento ku klientenan bai laba nan vehíkulo na sierto lugánan di laba  outo (carwash), trahadónan di e “carwash” ta hasi uso di e oportunidat pa wak  e adrès di e doño di e outo pa medio di su dokumentunan.  

Di e manera aki e informashon importante aki ta keda suministrá na  malechornan. 

Konsekuentemente e últimonan aki ta bai dirigí na e adrèsnan enkuestion pa  hòrta piesanan di outo. 

Kuerpo Polisial kier alertá tur doño di vehíkulonan pa na momentu ku bo ta  hiba un outo laba i ta laga esaki patras, pa no laga bo dokumentunan den e  outo.