Detenshon relashoná ku kiebro den kas 

KUERPO POLISIAL KÒRSOU 

 

KOMUNIKADO DI PRENSA

086/2026 20 mart 2026 

Detenshon relashoná ku kiebro den kas 

Kontinuando ku investigashon relashoná ku un kaso di kiebro ku a tuma lugá  den fin di siman pasa, na un kas riba Mahumaweg, polis a hasi un detenshon. Djabièrnè 20 di mart 2026 alrededor di 07.30’or, personal di Tim di Atrako a  

hasi detenshon di e hòmber A.R.A.R. di 31 aña di edat nasé na Venezuela,  relashoná ku e kaso ariba menshoná. 

Su detenshon a tuma lugá na un establesimentu komersial riba Schottegatweg  West. 

A presentá e sospechoso dilanti di un fiskal ouksiliar, ku a ordená su  enkarselamentu pendiente di mas investigashon.