Dia 20 di mart a konstatá un supuesto infekshon di chikungunya serka un habitante di Boneiru. Ainda mester konfirmá e diagnósis ku investigashon adishonal di laboratorio. Durante un biahe pa Sürnam e persona akí a haña keho ku ta kuadra ku un malesa di sangura i ora el a regresá Boneiru el a hasi tèst. Probablemente e persona akí a haña e posibel infekshon un siman promé na Sürnam.

For di kuminsamentu di e aña akí Sürnam ta enfrentá un kantidat di infekshon di chikungunya ku ta oumentando fuertemente. Anteriormente e aña akí Aruba tambe a mèldu algun infekshon di chikungunya serka biaheronan ku a regresá for di Sürnam. Banda di esaki, den otro paisnan den region, manera Cuba i Guyana, tambe tin brote di chikungunya aktualmente.

E tim di kontròl di vector di GGD Boneiru / Salubridat Públiko, a tuma medida apropiá kontra sangura den i rònt di bibienda di e persona akí, pa evitá plamamentu di e vírùs.

Chikungunya ta un vírùs ku sangura ta transmití i ku ta kousa síntoma ku ta parse grip, manera kentura, doló di kabes, doló di múskulo, walmentu di stoma i rebultashon di kueru. Mayoria biaha e infekshon ta desaroyá na un manera leve, pero hopi biaha tin kestion di keho di skarnir i tin ora esaki por kontinuá pa vários luna.

Tuma kontakto ku bo dòkter di kas si bo tin e kehonan menshoná akí riba, prinsipalmente si resientemente bo tabata den un área kaminda tin chikungunya. Mas informashon tokante kon bo por protehá bo mes kontra sangura i kon bo por eliminá lugá di brui di sangura, bo ta haña riba wèpsait di Entidat Públiko Boneiru: http://www.bonairegov.com/pa/sangura.

Op 20 maart is bij een inwoner van Bonaire een vermoedelijke chikungunya-infectie vastgesteld. De diagnose wordt nog bevestigd met aanvullend laboratoriumonderzoek. Tijdens een reis naar Suriname kreeg deze persoon klachten die passen bij een muggenziekte en werd bij terugkomst op Bonaire getest. Waarschijnlijk heeft deze persoon de mogelijke infectie in de week daarvoor in Suriname opgelopen.

Suriname heeft sinds het begin van dit jaar te maken met een sterk oplopend aantal chikungunya-infecties. Ook Aruba meldde eerder dit jaar enkele chikungunya-infecties bij reizigers die terugkwamen uit Suriname. Daarnaast zijn er in andere landen in de regio, zoals Cuba en Guyana, momenteel ook uitbraken van chikungunya.

Het vector controle team van GGD Bonaire / Salubridat Públiko heeft in en rondom de woning van deze persoon passende maatregelen tegen muggen genomen om verspreiding van het virus te voorkomen.

Chikungunya is een door muggen overgedragen virus dat griepachtige verschijnselen veroorzaakt, zoals koorts, hoofdpijn, spierpijn, misselijkheid en huiduitslag. De infectie verloopt meestal mild, maar gewrichtsklachten komen vaak voor en kunnen soms nog maanden aanhouden.

Neem contact op met uw huisarts als u bovengenoemde klachten heeft, vooral als u recent in een gebied bent geweest waar chikungunya voorkomt. Meer informatie over hoe u zich kan beschermen tegen muggen en hoe u broedplaatsen van muggen kan verwijderen, vindt u op de website van het Openbaar Lichaam Bonaire: http://www.bonairegov.com/muggen