Publikashon di informashon di pèrmit di konstrukshon di siman 12

Willemstad – Servisio pa Planifikashon Urbano (ROP) ta publiká informashon di pèrmitnan di konstrukshon otorgá. Den siman 12, ROP a otorgá 31 pèrmit di kontrukshon, di kual 17 kliente a bin paga e gastunan korespondiente i asina tuma nan pèrmit na ROP.

Pa medio di e publikashonnan aki, ta mantené komunidat informá di lokual ta tuma lugá den nan besindario pa loke ta planifikashon urbano.

Tur siman ta publiká informashon di e siman anterior. Por bishitá e website http://www.vvrp.cw/permit pa por tuma nota di informashon di e promé 11 simannan di 2026. Tambe tin archivo di añanan anterior.

Pa mas informashon i detaye tokante e proseso pa por entregá un petishon pa pèrmit di konstrukshon, por bishita e website http://www.vvrp.cw/permit.