Gobièrnu ta sigui deliberá riba situashon di preis di energia pa tuma desishonnan balansá – Regering beraadt zich verder over energieprijzen om tot evenwichtige beslissingen te komen

WILLEMSTAD – Riba djabièrnè, 27 di mart 2026, Gobièrnu di Kòrsou – presidí pa Promé Minister, sr. Gilmar Pisas – a tene un di dos reunion multidisiplinario ku diferente stakeholder tokante e desaroyonan geopolítiko ku internashonalmente tin efekto riba e merkado energétiko.

Esaki tambe lo tin efekto pa Kòrsou, no solamente riba preisnan di kombustibel pero tambe riba preisnan di otro produkto i servisio. E enkuentro a tuma lugá den un ambiente di diálogo habrí, ku rèspèt mutuo i ku enfoke riba responsabilidat kompartí pa futuro di Kòrsou.

Durante di e reunion a forma un grupo di trabou bou di liderazgo di Minister Middelhof di Ministerio di Desaroyo Ekonómiko. E grupo di trabou ta bai sigui deliberá riba entre otro e proposishonnan di VBC (Vereniging Bedrijfsleven Curaçao) tokante unda na Kòrsou por mitigá sierto preis, pa asina pueblo di Kòrsou no sufri demasiado di e efektonan geopolítiko, mientras ku e presupuesto ta keda tòg relativamente balansá.

E grupo di trabou mester yega dentro di algun siman na proposishonnan definitivo, despues ku tur kalkulashon ta hasí. Gobièrnu lo komuniká mas pronto ku ta posibel tokante e desishonnan akí.

Minister di Finansa, sr. Charles Cooper, a tuma parti den e enkuentro, mientras ku Minister di Desaroyo Ekonómiko, sr. Roderick Middelhof, a partisipá virtualmente debí na un biahe di trabou den eksterior. E stakeholdernan presente tabata Curoil, RAC, VBC, Duana, Ministerio di Finansa, Ministerio di Desaroyo Ekonómiko, Ministerio di Asuntunan General i Aqualectra.

---

WILLEMSTAD – Op vrijdag 27 maart 2026 heeft minister-president Gilmar Pisas namens de regering van Curaçao een tweede multidisciplinaire bijeenkomst geleid met diverse stakeholders over de geopolitieke ontwikkelingen die internationaal van invloed zijn op de energiemarkt.

Deze ontwikkelingen hebben ook gevolgen voor Curaçao, niet alleen voor de brandstofprijzen, maar ook voor de prijzen van andere producten en diensten. De bijeenkomst vond plaats in een sfeer van open dialoog, met wederzijds respect en met de focus op gedeelde verantwoordelijkheid voor de toekomst van Curaçao.

Tijdens de bijeenkomst is een werkgroep gevormd onder leiding van minister Middelhof van het ministerie van Economische Ontwikkeling. Deze werkgroep zal zich onder meer buigen over de voorstellen van de VBC (Vereniging Bedrijfsleven Curaçao) met betrekking tot mogelijke maatregelen om bepaalde prijzen te matigen, zodat de bevolking van Curaçao niet onevenredig wordt geraakt door de geopolitieke ontwikkelingen, terwijl de begroting tegelijkertijd relatief in balans blijft.

De werkgroep zal binnen enkele weken, na afronding van de benodigde berekeningen, met definitieve voorstellen komen. De regering zal hierover zo spoedig mogelijk communiceren.

Minister van Financiën, de heer Charles Cooper, nam deel aan de bijeenkomst, terwijl minister van Economische Ontwikkeling, de heer Roderick Middelhof, vanwege een dienstreis in het buitenland virtueel deelnam. Tot de aanwezige stakeholders behoorden Curoil, RAC, VBC, de Douane, het ministerie van Financiën, het ministerie van Economische Ontwikkeling, het ministerie van Algemene Zaken en Aqualectra.