KRANSHI TA HABRI DJASABRA 1 OKTOBER 2016

Willemstad  –  Ministerio di Maneho di Gobernashon, Planifikashon i Servisio Públiko ta informá pueblo di Korsou ku den kaso ku e wer permiti, relashona ku elekshon di otro siman, su Departamento di Asuntonan Publiko, konosi komo Kranshi, lo ta habri djasabra, 1 di Oktober 2016, for di 10or di maimta pa 3or di atardi pa e sigiente servisionan:
– saka sedula
– kambia adres
– buska karchi vota

Si e wer no permiti nos di por habri djasabra, klientenan por pasa di djaluna 3 di Oktober te ku riba dia di elekshon na Kranshi entre 4.30 di atardi pa 7or di anochi pa e servisionan ariba menshona.

Klientenan por jama na 4341600 pa puntra si nos ta habri.