Pronóstiko di tempu pa Kòrsou i bisindario bálido te djadumingu atardi 06:00 o.l., 2 di òktober 2016.

Pronóstiko
Pronóstiko di tempu pa Kòrsou i bisindario bálido te djadumingu atardi 06:00 o.l., 2 di òktober 2016.
Kompilá: Djasabra 1 di òktober 2016, 17:00 o.l. (21:00 UTC)
KODIGO ROS: .UN ALERTA TA KEDA NA VIGOR PA BOTO CHIKI I USUARIONAN PA MOTIBU DI RESAKE.
Tempu: Parsialmente te hopi nublá i spesialmente durante oranan di marduga i mainta tin chèns pa algun áwaseru lokal, ku por bai kompañá pa welek i bos. 
Temperatura máksimo lo alkansá 30ºC i temperatura mínimo, 25ºC. 
Solo ta sali 06:25 i e lo baha 18:25 o.l.
Bientu: Por lo general for di Sùitost i moderá; forsa 3 te 5 (11 te 39 km/ora, 7 te 21 nudo). Okashonalmente den dia of durante áwaseru ráfaga te posiblemente fuerte; forsa 6 (40 pa 50 km/ora, 22 te 27  nudo). Djadumingu gradualmente bientu lo bira mas ost.
Situashon general: Awe tardi orkan Matthew praktikamente no a move masha den ningun direkshon, sinembargo ta spera ku awenochi i djadumingu mainta e sistema aki lo kuminsa move poko poko den direkshon wèst i nortwèst, riba e parti sentral di laman Caribe, den direkshon di e isla di Jamaica i despues e pasashi entre e parti suitwèst di Haiti i e kosta suitost di Cuba. E area grandi di wer relashoná ku e disturbio tropikal aki, ainda por permití nubianan sigui desaroyá riba nos region i kisas hasta tambe okashoná algun áwaseru lokal. E áwaseru por ta leve te modera i hasta por kai lokalmente fuerte prinsipalmente wèst di nos isla. Djadumingu gradualmente nos tempu lo bai normalisa ku algu menos aktividat di nubia i áwaseru.
Kondishon di laman: Moderá te bastante brutu ku altura di olanan entre di 2 i 3 meter (5 pa 9 pia). 
Sistemanan signifikante di wer tropikal: Orkan Matthew  tabata situá awe tardi na un distansha di mas o menos 400 kilometer nortwèst di Aruba miéntras e ta sigui move masha poko poko nortwèst alehándo di nos área. 

Fenómeno spesial: Ningun.
Pèrspektiva te djaluna atardi: Parsialmente nublá durante oranan di marduga i mainta por bira hopi nublá sinembargo no ta antisipa áwaseru signifikante.
Meteorólogo: Statia.
E próksimo boletin di tempu lo wòrdu publiká djadumingu 05:00 o.l. (09:00 UTC).