Pronóstiko di tempu pa Kòrsou i bisindario bálido te djaluna mainta 06:00 o.l., 3 di òktober 2016. KODIGO ROS: .UN ALERTA TA KEDA NA VIGOR PA BOTO CHIKI I USUARIONAN PA MOTIBU DI RESAKE.

Pronóstiko di tempu pa Kòrsou i bisindario bálido te djaluna mainta 06:00 o.l., 3 di òktober 2016.
Kompilá:
Djadumingu 2 di òktober 2016, 05:00 o.l. (09:00 UTC)

KODIGO ROS: .UN ALERTA TA KEDA NA VIGOR PA BOTO CHIKI I USUARIONAN PA MOTIBU DI RESAKE.

Tempu:
Parsialmente te hopi nublá i spesialmente durante oranan di marduga i mainta tin chèns pa algun áwaseru lokal, ku por bai kompañá pa welek i bos.
Temperatura máksimo lo alkansá 30ºC i temperatura mínimo, 25ºC.
Solo ta sali 06:25 i e lo baha 18:25 o.l.
Bientu:
Por lo general for di Sùitost i moderá; forsa 3 te 5 (11 te 39 km/ora, 7 te 21 nudo). Okashonalmente den dia of durante áwaseru ráfaga te posiblemente fuerte; forsa 6 (40 pa 50 km/ora, 22 te 27 nudo).
Situashon general:
Orkan Matthew praktikamente no a move masha den e ultimo oranan, sinembargo ta spera ku awe e sistema aki lo kuminsa move poko poko den direkshon wèst i nortwèst, riba e parti sentral di laman Caribe, den direkshon di e isla di Jamaica i despues e pasashi entre e parti suitwèst di Haiti i e kosta suitost di Cuba. E area grandi di wer relashoná ku e disturbio tropikal aki, ainda por permití nubianan sigui desaroyá riba nos region i okashoná algun áwaseru lokal. E áwaseru por ta leve te modera i hasta por kai lokalmente fuerte prinsipalmente wèst di nos isla. Awe gradualmente nos tempu lo bai normalisa ku algu menos aktividat di nubia i áwaseru.
Kondishon di laman:
Moderá te bastante brutu ku altura di olanan entre di 2 i 3 meter (5 pa 9 pia). Awe gradualmente laman lo normalisa.
Sistemanan signifikante di wer tropikal:
Sistemanan signifikante di wer tropikal: Orkan Matthew tabata situá awe mainta na un distansha di mas o menos 465 kilometer nortwèst di Aruba miéntras e ta sigui move masha poko poko nort nortwèst alehándo di nos área. Servisio Meteorologiko di Kòrsou ta keda vigila e sistema aki ku hopi atenshon.
Fenómeno spesial:
Ningun.
Pèrspektiva te djamars mainta:
Parsialmente te hopi nublá, durante oranan di marduga i mainta áwaseru signifikante.
Meteorólogo:
Statia.
E próksimo boletin di tempu lo wòrdu publiká djadumingu 05:00 o.l. (09:00 UTC).