KODIGO HEL: TENE KUENTA KU POSSIBEL RESAKE NA KOSTA WÈST. Pronóstiko di tempu pa Kòrsou i bisindario bálido te djarason mainta 06:00 o.l., 5 di òktober 2016.

Pronóstiko di tempu pa Kòrsou i bisindario bálido te djarason mainta 06:00 o.l., 5 di òktober 2016.
Kompilá:
Djamars 4 di òktober 2016, 05:00 o.l. (09:00 UTC)

KODIGO HEL: TENE KUENTA KU POSSIBEL RESAKE NA KOSTA WÈST.

Tempu:
Parsialmente te hopi nublá i wer lo ta seku .
Temperatura máksimo lo alkansá 33ºC i temperatura mínimo, 27ºC.
Solo ta sali 06:25 i e lo baha 18:24 o.l.
Bientu:
Por lo general for di direkshon sùitost i moderá te basta fuerte; forsa 3 te 5 (11 te 39 km/ora, 7 te 21 nudo).
Situashon general:
Dor di presensha ainda di Orkan Matthew nortwèst di nos region, lo tin un bientu for di sùitost riba nos ainda awe. Lo tin momentunan ku bastante nubia di nivel mas nivel haltu ku ta pasa riba nos área, kual gradualmente ta birando ménos durante e próksimo 24 ora. E nubianan aki lo no generá áwaseru i p”esei un tempu generalmente seku lo prevalesé.
Kondishon di laman:
Por lo general moderá ku altura di olanan entre di 1 i 2 meter (3 pa 7 pia). Ta urgí pa ainda tene kuenta ku posibel resake for na kostanan west.
Sistemanan signifikante di wer tropikal:
Sistemanan signifikante di wer tropikal: Orkan Matthew tabata situá awe mainta riba parti sentral di Laman Karibe.na un distansha di mas o ménos 320 kilometer sùitwèst di Port-au-Prince na Haiti. E sistema ta sigui move pokopoko den direkshon nort alehando su mes for di nos region. Servisio Meteorológiko Kòrsou sinembargo ta keda vigilá e sistema aki ku atenshon. Tin un otro disturbio riba Osean Atlántiko na un distansha di mas o ménos 640 kilometer nort nortost di Islariba. E no ta forma menasa pa Área di Karibe.
Fenómeno spesial:
Ningun.
Pèrspektiva te djaweps mainta:
Por lo general parsialmente nublá i durante di mardugá i atardi por kai lokalmente algu áwaseru di durashon kòrtiku.
Meteorólogo:
Figueroa.
E próksimo boletin di tempu lo wòrdu publiká djamars 11:00 o.l. (15:00 UTC).

fcarib_pap-4102016

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: