KOMUNIKADO DI KUERPO POLISIAL KÒRSOU Tópiko: kaso di hinkamentu ku morto.

REDAKSHON October 5, 2016 0 Comments

KUERPO POLISIAL KÒRSOU
KOMUNIKADO DI KUERPO POLISIAL KÒRSOU

no.: 342 / 2016

Fecha: 5 òktober 2016

Tópiko: kaso di hinkamentu ku morto.
________________________________________

Djárason 5 di òktober 2016, alrededor di 10.40 or, Sentral di Polis a risibí yamada di un kaso di hinkamentu ku a tuma lugá riba Antillenweg na altura di un snèk.

For di investigashon preliminar a resultá ku e hòmber sospechoso ku ta bisiña di e víktima, sin ningun motibu te na e momento aki, durante di un persiguishon na pia for di Caicosweg te Antillenweg, a hinka su víktima na vários parti di su kurpa ku un opheto skèrpi. Personal di ambulans a duna e víktima ku ya tabata den un situashon kritiko asistensia, pero sin resultado deseá. E víktima a bin fayesé na e sitio di delito. Kontinuando ku e investigashon rápidamente despues di e akto alrededor di 10.45 or, polis a detené e sospechoso R.A.M. nasé na Kòrsou, di 20 aña di edat na su kas.

Alrededor di 12.25 or, dòkter Maduro a konstatá morto di e víktima Orlando Mejia Ortiz nasé na Colombia dia 15 di òktober 1977 i riba òrdu di fiskal di Ministerio Públiko a konfiská e kurpa pa mas investigashon.

A presentá e sospechoso dilanti di un fiskal ouksiliar ku a ordená su enkarselamentu pendiente mas investigashon Investigashon den e kaso aki ta kontinuá.