KOMUNIKADO DI KUERPO POLISIAL KÒRSOU Tópiko: aksidente di tráfiko ku detenshon

KOMUNIKADO DI KUERPO POLISIAL KÒRSOU
no.: 346 / 2016
Fecha: 9 di òktober 2016
Tópiko: aksidente di tráfiko ku detenshon
Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ
________________________________________

Djadumingu 9 di òktober 2016, alrededor di 23.45 ‘or di anochi, Sentral di Polis a haña un mèldu di un aksidente di tráfiko ku a kaba di tuma lugá na e krusada Schottegatweg Oost ku Cas Coraweg i ku e shofùr ku a okashoná e aksidente a sigui kore bai i nan a par’e na altura di Biesheuvel. For di investigashon preliminar ku e patruya ku a yega na e sitio a realisá a resultá, ku shofùr ku a okashoná e aksidente ta bou di influensia di alkohòl. Na e sitio Polis a detené e shofùr e hòmber G.A. DE J. nasé na Kòrsou di 23 aña di edat. Polis a hiba G.De J. warda kaminda despues di a keda presentá dilanti di un Fiskal Ouksiliar a ordená su enkarselamentu pa mas investigashon. Departamento di tráfiko ta kontinuá ku e investigashon.