Directora di Opleidinginstituut mr. drs. Jeannette Richardson-Baars Den transcurso di 2 aña lo tin hopi Polis nobo na Aruba

REDAKSHON October 18, 2016 0 Comments

Scol di Polis a tene un ceremonia unda a haci entrega di diploma na dos klas cu a caba nan fase cu ta klas Niveau 4 – 2012 y Niveau 3 – 2014. Jeanette Richardson-Baars, Director di Scol pa Polis a indica cu nan ta celebra e entregamento di diploma di un klas pa nan praktijk y e otro klas lo sigui cu nan niveau 5 Opleiding.

E klas niveau 3 ta bay sigui cu nan nivel 4 y nan ta bay ricibi nan MBO Diploma den dos aña. Tin un klas nobo cu a cuminza na 2015 y 2016 na Augustus. Banda di esey ta bezig cu e niveu 2 cu mester cuminza na 2017 y ta premira cu esey ta bay logra tambe exitosamente, Richardson-Baars a laga sa.

E plan ta pa Augustus 2017 tin otro klas atrobe cual ta e nivel 4. El a sigui bisa cu loke ta unico den e ramo di educacion policial ta cu aworaki tin un klas cu a caba nan nivel 3, pero nan a cuminza un par di aña pasa na nivel 2. “Nan ta e prome klas cu ta bay haci e jump di nivel 2 pa nivel 3 y nivel 4. Esey ta e prome klas cu ta haci esey. Nos ta hopi orguyoso di esey pasobra tog ta algo apart. E ta tuma hende hopi tempo pa nan pasa door di scol, bay traha, bay bek scol y e ora sigui te cu final”, e director di Scol di Polis a remarca.

Polis pa Turismo
Den 2017 ta cuminza cu un klas asina atrobe cu ta bay traha mas tanto den e ramo di Turismo. Nan ta Polisnan cu por traha ariba caya den e area di hotel pa trece mas seguridad pa e turistanan.

Despues cu tabata tin 6 klas di Kader Opleiding cu nan tabata train na Scol di Polis y cu ta e hendenan cu ta duna e guia na e nos hendenan ariba caya, a cuminza e aña aki cu e meter kader opleding cu ta e nivel un tiki mas abao.

Esaki, segun Richardson-Baars ta e grupo cu ta traha ariba caya bao nan guia. A cuminza cu dos klas e aña aki. Otro aña lo sigui cu dos mas y despues lo bira un total di 6 klas cu Scol di Polis ta bay train. El a indica cu tur ora Scol di Polis ta bezig cu un opleiding cu ta fit cu e rango cu e hendenan mes ta haci y e trabao cu nan mes ta haci den praktijk.