Orashon djamars 18 di òktober 2016
Despues Señor a skohe 72 otro disipel i a manda nan bai su dilanti dos dos, den tur pueblo i lugá kaminda E mes mester a bai. El a bisa nan: ‘Kosecha ta grandi, ma trahadó ta poko. Pidi doño di kosecha pa manda trahadó pa kosechá. Bai numa! Mi ta manda boso manera lamchi di karné meimei di lobo. No bai ku saku di plaka, ni ku saku di biahe, ni ku sandalia, ni no para kumindá niun hende na kaminda. Ora boso drenta un kas, bisa promé: “Pas sea ku e kas akí.” Si tin un hende di pas ta biba einan, boso pas lo keda kuné; si no ta asina, boso pas lo bini bèk serka boso. Keda den e kas ei i aseptá loke e hendenan ofresé boso pa kome i bebe, pasobra un trahadó meresé su suèldu. No move di kas pa kas. Si boso yega un siudat kaminda nan risibí boso bon, kome loke nan pone boso dilanti, kura esnan ku ta malu einan i bisa nan: “Reino di Dios a yega serka boso!”
Lukas 10:1-9
