Pronóstiko di tempu pa Kòrsou i bisindario bálido te djaluna atardi 18:00 o.l., 24 di òktober 2016.
Pronóstiko
Pronóstiko di tempu pa Kòrsou i bisindario bálido te djaluna atardi 18:00 o.l., 24 di òktober 2016.
Kompilá: Djadumingu 23 di òktober 2016, 17:00 o.l. (21:00 UTC)
Tempu: Lévemente te parsialmente nublá i wer seku lo prevalesé awe nochi. Mañan mardugá i den dia por kai lokalmente algu di áwaseru.
Temperatura máksimo lo alkansá 33ºC i temperatura mínimo, 26ºC.
Solo ta sali 06:27 i e lo baha 18:13 o.l.
Bientu: For di un direkshon entre di ost i nortost i moderá; forsa 3 te 4 (12 te 30 km/ora, 7 te 16 nudo). Prinsipalmente den dia, de bes en kuando basta fuerte den ráfaga; forsa 5 (31 te 39 km/ora, 17 te 21 nudo).
Situashon general: Durante di awe nochi no ta antisipá formashon di nubia signifikante riba nos region i p’e motibu ei wer seku lo prevalesé riba nos isla. Mañan mardugá i den dia sin embargo por desaroyá algun nubia un tiki mas diki i lokalmente por kai algu di áwaseru. Mas aleu, diferensha den preshon di aire den nos region lo bira gradualmente mas chikitu durante di próksimo dianan i esei lo resultá den ménos bientu riba Kòrsou.
Kondishon di laman: Por lo general trankil ku altura di olanan di 1 meter òf ménos (3 pia òf ménos).
Sistemanan signifikante di wer tropikal: Ningun.
Fenómeno spesial: Ningun.
Pèrspektiva te djamars atardi: Por lo general parsialmente nublá i lokalmente lo kai algu di áwaseru. Gradualmente ménos bientu.
Meteorólogo: Capello.
