Raport di polis di Aruba djaluna 7 nov 2016
INTERKAMBIO DI PALABRA.
Patruya di Nort, durante un kontròl, na altura di ” Lekker Bar & Restaurant”, a tuma nota di un interkambio di palabra entre un grupo di pèrsona i un portir.
Tabata trata aki di un grupo di venezolanonan ku tabata hopi rabiá pa motibu ku e portir no a pèrmitinan entrada; pa e hecho ku nan tabata purba na drenta ku bòternan di bibida alkohóliko.
E portir a mustranan bon klá, ku esaki nó ta pèrmiti, konforme e reglanan di nan establesimentu.
Polis a mustra e grupo, ku mester respetá e reglanan.
I si nan ta wordu konsiderá komo klientenan indeseá, lo manda nan bai.
E grupo a mustra komprenshon i a wòrdu alehá for di e sitio dor di polisnan.
A pone SCP na altura dje kaso.
=
======================
ROBO DI PROPIEDAT
SCP a dirigí patruya na “Lotto Kios K”, situá banda di “Ling Nam Bar & Restaurant, na Bernhardstraat pa un kaso di robo.
Na e sitio polisnan a papia ku e bendedora di nòmber W, kende a deklará ku deskonosi ( nan), entre 6 di nov. 2016, pa 14:30 i 7 di nov. 2016 pa 09:30, a kibra drenta den JR-1 Lottery.
Deskonosí (nan) lo a destruí hèkwèrk dilanti di e bentana na parti óst di e kantor
=
=======================
MOLÈSTER DI HUMA
Djaluna 7di nov 2016, pa banda di 12:30, a yega un señora di identidat deskonosí te na e momentunan ki, ku tabata ke hasi denunsia di un hecho kastigabel.
El a deklara ku na su kas e tin molèster di huma, pa motibu ku no tabatin bientu.
Mas aleu el a deklara ku e tabatin problema ku halamentu di rosea.
A splika e señora ku esaki tabata un proseso penal, i ku no por tuma e denunsia.
E señora a haña ku polisnan no ta hasiendo nan trabou.
Pues a buska hefe na warda pa papia ku e señora. I esaki a bisa e señora mesun kos.
E señora, lo a bira hopi furioso i a sali bai for di e edifisio, serando e porta ku un klap tras di di su lomba, sin duna polis e chèns pa por a intermediá.
=
=======================
ROBO
SCP a dirigí un patruya na un kas na Savaneta, en konekshon ku un robo.
Na yegada, polisnan a papia ku e habitante, e señora di nòmber Z, ku a deklará ku deskonosí (nan), entre 5 di nov 2016, pa banda di 16:00,
i 7 di nov 2016, pa banda di 08:45, a bai ku 25 tabla (plywood), for di e garashi di e kas. E bibienda tabata den renobashon. A tuma denunsia i a pone SCP na altura di e kaso
=
=======================
VIOLASHON DI ARMA
Durante patruya, polisnan a mira un konosí pa hustisia , Mario Jacopuca, kanando na altura di sentro di bario
Tanki Leendert.
Na su hep e tabatin un faha ku un kuchú kologá n’é.
A aserká esaki i na bienestar di otronan a tuma e kuchú den beslag i hib’é na warda di polis Shaba.
Scp a wòrdu poné na alura di e kaso.
=
=======================
DENUNSIA DI LADRONISIA
Hefe na warda a dirigí patruya STRAND, na Playa Linda, pa un kaso di ladronisia.
Na yegada, polisnan a papia ku e señora di nòmber Yanni.
Yanni a deklará ku e dia ey pa banda di 02:30, e tabata na Moomba beach. E tabata ku un amigu, kende huntu nan a drenta awa. Yanni tabatin un kartera blou konteniendo un iphone6 di kolor di plata. El a pone esaki bou di un palapa. Yanni a regresá despues di algun minüt i a ripará ku e tas no tabatei.
A tuma denunsia.
=
=======================
LADRONISIA
SCP a dirigí patruya na e iglesia katóliko na sta. Cruz.
Na e sitio, polisnan a bin topa ku e hòmber NM, kende a deklara ku deskonosí(nan)
a kibra drenta e iglesia pa hòrta.
Na e momentu ey, ainda e no a sinti falta di nada. Pero a keda di traha un lista i hiba esaki na warda di polis na Sta. Cruz.
SCP i BFTO a wòrdu poné na altura di e kaso.
=
=======================
LADRONISIA
SCP a dirigí patruya STRAND, na playa Linda, pa un kaso di ladronisia.
Na e sitio a papia ku e hòmber, MINOR CR,
kende a deklará na polis, ku e tabatin un saku konteniendo $2300.
I ku e mainta ey banda di 7:30, el a bai na Dunking Donuts, pa kumpra un kòpi di kòfi i el a lubidá e saku ku sèn riba e tónbank.
El a kana bai na e pisina i a riparà ku e no tabatin e saku di sèn i a bira bai Dunking Donuts mesora.
Yegando aya, el a puntra 2 trahadó si nan por a mira e saku.
Pero e 2 damanan ku tabata traha eynan, no a mira nada.
Polisnan a bai na Dunking Donuts, pero ya esaki lo a sera kaba.
SCP I WCD a wordu poné na altura di e situashon.
=
=======================
ASISTENSIA PA UN BRINGAMENTU
SCP a manda un patruya riba 7nov 2016, pa banda di 19:35, na Venezuelastraat 30, pa un kaso di bringamentu.
Na e sitio, polisnan a bin topa ku e konosido Elvis Raphael, mihó konosí komo ( Coco Liso), drumí riba asera dilanti di e kas number 30.
Testigunan a tendele ta grita di dolor i a yama polis.
El a deklará ku e tabata patras di e hotèl Sentral den elleboogstraat.
E hòmber di nòmber Juancho van der Biezem lo mester a dal’e na su rudia ku un pipa di heru,pasombra e ta bisa ku Raphael lo a hòrta su pipa pa bai huma.
Raphael a kita bai for di e hotèl den direkshon di Venezuelastraat, na altura di e kas 30. Pa por sosega.
Pero no por a wanta e dolor.
Ambulans a hiba Raphael pa haña promé asistensia.
A bisa Raphael ku e por bai ofisina di reshèrshe na Oranjestad, si e tabata deseá, pa hasi denunsia pa maltrato ku arma.
A pone SCP na altura di e kaso.
=
=======================